Qazaqstan Prezıdenti Qasym-Jomart Toqaevtyń jarlyǵymen Joǵarǵy sot sýdıasy Talǵat Ibrashev qyzmetinen ketti, dep habarlady “Adyrna” ulttyq portaly.
Senattyń jalpy otyrysynda Joǵarǵy sot keńesiniń tóraǵasy Aleksandr Shıp sýdıany qyzmetinen bosatýdy usyndy.
“Talǵat Áýlıehanuly Ibrashev Qazaqstan prezıdentiniń 2024 jylǵy 19 sáýirdegi jarlyǵymen Almaty oblystyq sotynyń tóraǵasy bolyp taǵaıyndaldy. Qurmetti depýtattar, Joǵarǵy sot sýdıasy Talǵat Áýlıehanuly Ibrashevtyń basqa laýazymǵa taǵaıyndalýyna baılanysty qyzmetten bosatý týraly usynysty qoldaýyńyzdy suraımyn”, - dedi Aleksandr Shıp.
Senator Nurlan Bekzanarov bul másele talqyǵa salynǵanyn jetkizdi.
«Konstıtýııalyq zańnama, sot júıesi, quqyq qorǵaý organdary komıteti keńeıtilgen otyrysta Qazaqstan prezıdentiniń Joǵarǵy sot sýdıasyn qyzmetinen bosatýǵa usynylǵan kandıdatýrany talqylap, qaraý nátıjesi boıynsha qorytyndy shyǵardy. Qazaqstan prezıdentiniń usynymy negizinde jáne Konstıtýııanyń 55-babynyń 1-tarmaqshasyna, Qazaqstan Parlamenti men onyń depýtattarynyń mártebesi týraly konstıtýııalyq zańynyń 2-babyna, Qazaqstan sot júıesi jáne sýdıalardyń mártebesi týraly konstıtýııalyq zańnyń 33-babynyń 1-tarmaǵynyń 8-tarmaqshasyna, 3-tarmaǵynyń 1-tarmaqshasyna sáıkes komıtet Senatqa Talǵat Áýlıehanuly Ibrashevty basqa qyzmetke taǵaıyndaýyna baılanysty Qazaqstan Joǵarǵy sotynyń sýdıasy qyzmetinen bosatýdy usynady», - dedi Konstıtýııalyq zańnama, sot júıesi, quqyq qorǵaý organdary komıtetiniń tóraǵasy.
Daýys berý nátıjesinde senatorlar usynysty qoldady.
