Batys Qazaqstan oblysynda kisi óltirýge tapsyrys berý isi boıynsha sot otyrysy ótti, dep habarlaıdy “Adyrna” portaly “Moı gorod” basylymyna silteme jasap.
Aıyptalýshy retinde 40 jastaǵy Elvıra Erkebaeva men 33 jastaǵy Maksım Kýzneov esimdi azamattar bar.
Basylym málimetinshe, Erkebaeva óziniń burynǵy kúıeýin óltirý úshin arnaıy kıller jaldapty. Sot otyrysynda advokat Tamara Sársenova shaǵym túsirip, aıyptalýshy Elvıra Erkebaevaǵa qatysty bultartpas sharasyn ózgertýdi surady.
"Meniń qorǵalýshym qylmystyq jáne ákimshilik jaýapqa tartylmaǵan. Kámeletke tolmaǵan eki balasy bar. Jarty jyldan berý qamaýda, rejımdi buzǵan joq. Turǵylyqty baspanasy bar. Ony úıqamaqqa jiberýdi suraımyz", – dedi Sársenova.
Ekinshi aıyptalýshy Maksım Kýzneovtyń da qorǵaýshysy onyń qant dıabeti men kózinde glaýkoma baryn aıtyp, shaǵymmen kelisken.
Aıyptaýshynyń deregine sáıkes Elvıra Erkebaeva burynǵy kúıeýi Erbol Erkebaevpen aradaǵy kelispeýshilikterge baılanysty ony óltirý úshin kıller jaldaǵan.
"Buǵan deıin tanysy Kýzneovpen baılanysyp, tapansha men kisi óltire alatyn adam taýyp berýdi suraǵan. Sondaı-aq bul úshin 2 mıllıon teńge tóleıtinin de jetkizgen. Kýzneov keıin osyndaı adamdy izdedi", – dedi prokýror Iztileýova.
2023 jyldyń jeltoqsanynda kisi óltirýge tapsyrys alǵan Ǵalıev uıymdastyrylǵan qylmys jaıly polıııaǵa habarlapty.
Qylmys osy jyldyń 20 jáne 26 aqpan aralyǵynda bolady dep josparlanǵan.
Aqsaı qalasyndaǵy "Beıbarys" sport kesheniniń aýmaǵynda Kýzneov Ǵalıevke 500 myń teńge, tereze ashý úshin buranda, qolǵap, medıınalyq maska men kózildirik te berilgen.
26 aqpanda Erkebaeva men Kýzneovty polıııa ustady. Degenmen sotta jábirlenýshiniń ózi bolmady. Al onyń ókili Erlan Berdiǵalıev burynǵy jubaıy Erkebaevaǵa eshqandaı shaǵymy joq ekenin aıtty.
Al aıyptalýshylar kinásiz ekenin dáleldeı alatyndaryn aıtqan.
