الماتى اكىمى باقىتجان ساعىنتاەۆ "31 ارنانىڭ" جۇرگىزۋشىسى اسقار مەڭدىباەۆقا اكىمدىككە شابۋىل جاسالىپ، قالادا تارتىپسىزدىكتەر باستالعاندا، نارازىلىق بىلدىرۋشىلەرگە نەگە شىقپاعانىن ايتتى. ۆيدەو ينفورمبيۋرو باعدارلاماسىنىڭ Instagram-پاراقشاسىندا جاريالاندى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
ء"بارىمىز جۇمىس ورنىندا، شتابتا بولدىق. العاشقى ءتۇنى تاڭعا جۋىق مالىمدەمە جاسادىم. كەلەسى كۇندەردە شتابتا بولدىق. باستى مىندەتىم قورعانىس مينيسترلىگى، ىشكى ىستەر مينيسترلىگى، اكىمشىلىك، باسشىلىقپەن بايلانىس ورناتۋ بولدى. وسى جۇمىستاردىڭ ءبارىن ۇيلەستىردىك.
پوليتسيا دەپارتامەنتى، ۇقك دەپارتامەنتى جانە ت.ب. ءبىرىنشى تۇلعالارمەن بايلانىسۋعا (وكىلەتتىلىك) جوق. بارلىق جۇمىس مەنىڭ موينىمدا بولدى. ءار 5-10 مينۋت سايىن كەلىسسوزدەر ءجۇردى.
ءبىر جەردە ءۇنسىز، تىنىش وتىردىق دەگەن ءسوز جوق.
قوسىمشا كۇشتەر كەلىپ، ارنايى جاساق اكىمدىك پەن الاڭدى تازارتقاندا، شتابتاعى ارىپتەستەرىم اكىمدىك پەن الاڭعا شىقتى. سول جەردە بىزگە وق اتتى، جان-جاقتان وق جاۋدىردى. ارتىمىزدان قۋدى. ءبىزدى كۇتىپ وتىرعان. ولار قايدا باراتىنىمىزدى بىلگەن", - دەدى ساعىنتاەۆ.
اكىمنىڭ ايتۋىنشا، وقيعالار كەزىندە ونىڭ جۇرگىزۋشىسى زارداپ شەككەن، ال "الماتى" تەلەارناسىنىڭ جۇرگىزۋشىسى قازا بولعان.
ساعىنتاەۆ الماتى پوليتسياسىنىڭ قارۋلى بۇلىكشىلەرگە توتەپ بەرە الماعانىن، سەبەبى ولار قارۋسىز بولعانىن ايتتى.
"قالادا ۇلتتىق ۇلان، پوليتسيا جانە اسكەري كۋرسانتتار بولدى. ولاردىڭ ەشقايسىندا قارۋ بولعان جوق. ولاردا قالقاندار، كەيبىرىندە تاياقتار، كوپشىلىگىنىڭ قولىندا ەشتەڭە بولمادى. ولار دىبىس شىعاراتىن گراناتالاردى قولداندى، بولدى...", - دەپ ءتۇسىندىردى اكىم.
الماتى اكىمى اتىس قارۋىن قولدانۋ ءۇشىن بۇيرىق قاجەت ەكەنىن مالىمدەدى. بۇلاي ادامداردى اتىپ تاستاۋعا بولمايدى. ونىڭ ايتۋىنشا، وق اتۋ تۋرالى بۇيرىق قاراقشىلار مەن لاڭكەستەر ءبىرىنشى بولىپ وق اتىپ، ادامدار قازا بولعاندا بەرىلگەن.
"باسىپ كىرىپ، ۇرىپ-سوعىپ، ءولتىردى، باسىن كەسىپ الدى. مۇنى قالاي تۇسىنۋگە بولادى؟" - دەدى ساعىنتاەۆ.
”ادىرنا” ۇلتتىق پورتالى
