الەكسەي لۋتسەنكو: كاسىبي مانسابىمدى «استانا» كومانداسىندا ودان ءارى جالعاستىراتىنىما وتە قۋانىشتىمىن

1538

«ادىرنا» ۇلتتىق پورتالىنىڭ ءتىلشىسى جۋىردا عانا كەلىسىمشارتىن ۇزارتقان «Astana Qazaqstan Team» ۆەلوكومانداسىنىڭ شاباندوزى الەكسەي لۋتسەنكومەن سۇحباتتاسقان بولاتىن، سونى نازارلارىڭىزعا ۇسىنامىز:

– الەكسەي الەكساندروۆيچ، ۆەلوسپورتقا قالاي كەلدىڭىز؟

مەنىڭ العاشقى جاتتىقتىرۋشىم پوتاپوۆ بولدى. ناقتى ەسىمدە جوق 2006 نەمەسە 2005 جىلى اۋىلدان كەلدىك. ۆەلوسپورت ۇيىرمەسىنە جازىلىپ، العاشقى ۆەلوسيپەدىمدى الدىم. سپورت ينتەرناتىنا كەلگەننەن باستاپ، جاقسى ناتيجەلەر كورىنە باستادى. وسىلايشا، ۆەلوسپورتقا ءتۇستىم.

– ءسىزدىڭ سوڭعى جارىسىڭىز يتالياندىق «سەرەنيسسيما گراۆەل» قيىرشىق تاس جولىندا بولدى. وندا ءسىز ماۋسىمداعى ەكىنشى جەڭىسىڭىزگە قول جەتكىزدىڭىز. سىزدەن باسقا، «استانانىڭ» اتىنان ءۇش يتاليالىق شاباندوز - فابيو فەللينە، سامۋەلا باتتيستەللا جانە داۆيدە مارتينەللي ونەر كورسەتتى. وسى جارىس تۋرالى جانە جەڭىس كەزىندەگى سەزىمىڭىز تۋرالى ايتىپ بەرىڭىزشى؟!

«Astana Qazaqstan Team» ۆەلوكومانداسىندا ونەر كورسەتۋ كەز كەلگەن قازاقستاندىق سپورتشى ءۇشىن ۇلكەن مارتەبە. ونىڭ ۇستىنە ءار ەلدىڭ ءوزىنىڭ جەكە كاسىبي كومانداسى بولا بەرمەيدى. سوندىقتان الەمدىك ۆەلودودالارعا قاتىسۋ مۇمكىندىگى جوعارى، سونداي-اق ەل نامىسىن لايىقتى دەڭگەيدە قورعاۋ مەن ءۇشىن دە ماڭىزدى. جەڭىس ساتىندەگى سەزىمىم تۋرالى ايتار بولسام، كادىمگى سەزىم، قابىلداۋىم قاراپايىم. بۇل سپورت، بۇل جارىس، بىردە جەڭىس، ەندى بىردە جەڭىلىس بولادى. ارينە، قيىرشىق تاس جولىندا باق سىنادىم. مەن ءۇشىن بۇل جارىس قيىنعا سوقتى. ويتكەنى قيىرشىقتى تاسجول قاراپايىم جارىس جولىنان وزگەشەرەك. سونىمەن قاتار جولدار تار ءارى بۇرىلىستار سانى كوبىرەك. ال مۇنداي جاعدايدا ۆەلوسيپەدتى باسقارۋ قيىن. بىراق ءبارى ويداعىداي ءوتتى.

– ۆەلوسيپەد نۇر-سۇلتاندا تانىمال كولىك قۇرالىنا اينالۋدا. جاڭادان باستاپ جاتقاندارعا جانە ۆەلوسيپەد اۋەسقويلارىنا قانداي كەڭەستەر بەرەسىز؟

ايتارىم، ۆەلوسپورتپەن ءجيى جاتتىعىڭىز. ەگەر سىزگە ۆەلوسپورت كوبىرەك ۇنايتىن بولسا. اسىرەسە نۇر-سۇلتان قالاسىندا. بىراق قازىرگى ۋاقىتتا اۋا رايى مۇمكىندىك بەرمەيدى. بىراق ۆەلوترەككە كەلىپ جاتتىعۋ مۇمكىندىگى بار.

– جاڭا ماۋسىمنان نە كۇتەسىز؟ قازىر سپورتتىق جيىندا ءجۇرسىز، كۇنىڭىز قالاي وتەدى؟ كۇن ءتارتىبى قالاي؟

بىرىنشىدەن، مەن كاسىبي مانسابىمدى قازاقستاندىق «استانا» كومانداسىندا ودان ءارى جالعاستىراتىنىما وتە قۋانىشتىمىن. كوماندادا وتكىزگەن جىلدار ىشىندە مەن كوشباسشى دەڭگەيىنە دەيىن جەتتىم. ەندى مەن ءارى قاراي دامۋدى جالعاستىرۋ ءۇشىن جاۋاپكەرشىلىك، ىنتالاندىرۋ، جاڭا جەتىستىكتەرگە ۇمتىلۋ جانە كوشباسشىلىعىمدى ءار جولى جاڭا جەڭىستەرمەن دالەلدەۋىم كەرەك. بيىل جالپى ەسەپتەگى سايىستا، سونداي-اق «كريتەريۋم ديۋ دوفينە» مەن گراند-تۋرلار سياقتى ۇلكەن اپتالىق جارىستاردا جاقسى ناتيجە كورسەتتىم. «تۋر دە فرانستىڭ» جالپى ەسەبىندە جەتىنشى ورىن يەلەنگەنىم بولاشاقتا جەڭىس تۇعىرىنان كورىنۋگە مەنى جىگەرلەندىرەدى. سونىمەن، جاڭا ماۋسىمدى «استانا» كومانداسىمەن بىرگە جاڭا ماقساتتارمەن باستايمىن. جوبا مەنەدجەرلەرىمەن جانە باپكەرلەرمەن بىرگە نەگىزگى ماقساتتاردى دۇرىس ايقىنداي الاتىنىمىزعا سەنىمدىمىن. سودان كەيىن ءبىز قالاعان ماقساتىمىزعا جەتۋ ءۇشىن بار كۇشىمىزدى سالامىز. قازىرگى ۋاقىتتا جيىندارعا قاتىسىپ جۇرگەن جوقپىن. وتباسىممەن شاعىن دەمالىستامىن.

ەسكە سالا كەتەيىك، كوماندانىڭ 28 جاستاعى جەتەكشىسى الداعى ءۇش ماۋسىم بويى (2022-2024) ۇلتتىق ۆەلوجوبانىڭ نامىسىن قورعايتىن بولادى.

«استانا» كاسىبي سپورت كلۋبىنىڭ باس سەرىكتەسى – «سامۇرىق-قازىنا» ۇاق» اق، قۇرىلتايشىسى – تۋريزم يندۋسترياسى مەن سپورتتى قولداۋ قورى

ورالباي مەرگەنبايۇلى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket