14 ءساۋىر «كوركەم وي» اكادەمياسىنىڭ ۇيىمداستىرۋىمەن پ.چايكوۆسكي اتىنداعى الماتى مۋزىكالىق كوللەدجىندە دارىندى بالالار مەن جاستارعا ارنالعان «DARA FEST –2018» فەستيۆالى وتەدى.
بايقاۋدىڭ ماقساتى – دارىندى بالالار مەن جالىندى جاستاردىڭ باسىن قوسىپ، ونەرلەرىن سىنعا سالۋ، قابىلەتتەرىن شىڭداۋ.
فەستيۆال نوميناتسيالارى: ەسترادالىق ۆوكال، تەاتر، كوركەم ءسوز وقۋ، قىسقا مەتراجدى فيلم، حورەوگرافيا، ديزاينەر، اسپاپتار. بايقاۋعا 4 جاستان 25 جاسقا دەيىنگى ونەرپازدار قاتىسا الادى. فەستيۆال جەڭىمپازى «قازاقستان» ۇتا «تاڭشولپان» باعدارلاماسىنا قوناققا شاقىرىلادى.
ۇمىتكەرلەردى تىركەۋ ءساۋىر ايىنىڭ 8 جۇلدىزىنا دەيىن جۇرگىزىلەدى. قاتىسۋشىلار بايقاۋ جۇمىستارىن CD تاسپا نەمەسە فلەشكاعا جازىپ وتكىزە الادى. سونداي-اق dara-fest2017@mail.ru پوچتاسىنا جىبەرۋلەرىنە بولادى.
قاتىسۋشىلاردىڭ بايقاۋ كەزىندە كورسەتكەن ونەرلەرىنە قاراي ءادىل باعا بەرىلەدى. ءادىل-قازىلار شەشىمى تۇپكىلىكتى جانە قايتا قاراۋعا جاتپايدى.
ءمولدىر بەكجان
