قازاقستاننىڭ مەملەكەتتىك حاتشىسى ەرلان قارين قازاقستاندىقتاردى قىراعى بولۋعا شاقىردى. بۇل تۋرالى Tengrinews.kzكە سىلتەمە جاساپ "ادىرنا" ۇلتتىق پورتالى حابارلايدى.
ء"بىز بوساڭسىپ، ءوز-ءوزىمىزدى جۇباتقانىمىزدى قالاماس ەدىم. بۇعان جول بەرگىم كەلمەيدى، ويتكەنى ايتارلىقتاي قاۋىپ ءالى دە بار. بارلىق قىزمەت تولىق دايىندىققا كەلتىرىلدى. استانامىزدىڭ كوشەلەرىندە بۇل الاڭداۋ بايقالادى دەپ ويلايمىن. تۇرعىندارعا قىراعىلىق تانىتۋ كەرەك، كۇدىكتى ادامدار نەمەسە حابارلاندىرۋلار تۋرالى حابارلاۋى كەرەك. قاۋىپ قاقپادا ەمەس، قاۋىپ ارامىزعا جەتتى، جاقىندا. قىراعىلىق تانىتۋىمىز كەرەك، دەگەنمەن، ەڭ شيەلەنىستى ساتتەردەن وتتىك دەپ ويلايمىن", - دەدى ەرلان قارين.
مەملەكەتتىك حاتشى بۇل جاعدايدا پرەزيدەنت قاسىم-جومارت توقاەۆ ماڭىزدى ءرول اتقارعانىن ايتتى.
"ول كۇشتىك قۇرىلىمدارعا ناقتى شەشىمدەر قابىلدادى، مەملەكەتتىك ورگاندارعا ناقتى ءىس-قيمىلدار، نۇسقاۋلىقتار بەردى جانە اقپاراتتىق الاڭدا دا باستامانى ءوز قولىنا الدى. ياعني، ول كۇن سايىن دەرلىك ۇندەۋلەرمەن شىعىپ، وتە ەگجەي-تەگجەيلى جانە ناقتى ءسوز سويلەدى، قاراپايىم تىلدە سويلەدى. بۇل ۇندەۋلەردى مەن سول جەردە ازاماتتارىمىزبەن تىڭدادىم. ءتىپتى مىناداي ءسات بولدى، قاراپايىم پوليتسيا قىزمەتكەرلەرى، تۇرعىندار جينالدى. بارلىعى تىڭداپ تۇردى، مەن ادامدارعا قاراپ پرەزيدەنتتىڭ سوزدەرىنەن ولاردا سەنىم پايدا بولعانىن كوردىم.
"مەملەكەت قۇلامايدى، مەن ەلوردادا قالامىن" دەگەن پرەزيدەنتتىڭ ايگىلى ءسوزى ەسىڭىزدە مە؟ بۇل، شىنىمەن دە، شابىتتاندىردى. مەن يدەولوگيا، ناسيحاتسىز سويلەپ وتىرمىن. ادامداردىڭ، ءوزىمنىڭ سەزىمىمدى ءبولىسىپ وتىرمىن. بۇل ءسوز وتە اسەرلى سەنىمدى شابىتتاندىردى. پرەزيدەنت سەنىمنەن باسقا بەلگىلى ءبىر ارەكەتتەر مەن شەشىمدەر تۋرالى ايتتى. بۇل مەملەكەتتىكتى، بيلىكتى كورسەتتى", - دەدى مەملەكەتتىك حاتشى.
قاريننىڭ سوزىنشە، قازاقستاندىقتاردىڭ ساناسىندا جالپى مەملەكەتتىلىكتىڭ ماڭىزى تۋرالى جاڭا تۇسىنىك قالىپتاستى.
"ادىرنا" ۇلتتىق پورتالى
