قر مەملەكەتتىك حاتشىسى ەرلان قارين قازىرگى ۋاقىتتا ماڭعىستاۋ وبلىسىنداعى جاعداي تۇراقتى ەكەنىن ايتتى. بۇل تۋرالى ول ءوزىنىڭ فەيسبۋك الەۋمەتتىك پاراقشاسىندا جازدى، دەپ حابارلايدى "ادىرنا" ۇلتتىق پورتالى.
بيىلعى 4-8 قاڭتار ارالىعىندا ماڭعىستاۋ وبلىسىندا بولدىم. وندا احۋالدى تۇراقتاندىرۋ جونىندەگى وڭىرلىك شتابتىڭ جۇمىسىن ۇيلەستىرۋگە اتسالىستىم. ايماقتاعى احۋال قازىر تۇراقتى. مەملەكەتتىك مەكەمەلەر مەن كوممۋنالدىق قىزمەتتەردىڭ بارلىعى قالىپتى رەجىمدە جۇمىس ىستەپ جاتىر. قۇقىق قورعاۋ ورگاندارى جاعدايدى تولىق باقىلاۋدا ۇستاپ تۇر. قوعام بەلسەندىلەرىنىڭ ارقاسىندا بيلىك پەن نارازىلىق بىلدىرگەن ازاماتتاردىڭ اراسىندا كونسترۋكتيۆتى ديالوگ ورنىقتى. وسى وڭىردە ۇجىمدىق قاۋىپسىزدىك تۋرالى شارت ۇيىمىنىڭ (ودكب) اسكەرى ورنالاسقان دەگەن قاۋەسەت شىندىققا جاناسپايدى. وبلىستاعى توتەنشە جاعداي رەجىمىن قامتاماسىز ەتۋگە ءوز ەلىمىزدىڭ قارۋلى كۇشتەرىنىڭ جانە ۇلتتىق ۇلاننىڭ بولىمشەلەرى عانا جۇمىلدىرىلعان - دەدى ول.
"ادىرنا" ۇلتتىق پورتالى
