جاڭاوزەندە جۇمىسسىز جۇرگەن شەرۋشىلەر بىرنەشە اپتا بويى جەرگىلىكتى اتقارۋشى ورگانداردان بوس جۇمىس ورىندارىن تەز ارادا بەرۋدى تالاپ ەتتى. بۇل تۋرالى “ادىرنا” ۇلتتىق پورتالى “Orda.kz” سايتىنا سىلتەمە جاساپ.
جاڭاوزەندە 31 قاڭتاردان بەرى جۇمىسسىز ازاماتتار نارازىلىق اكتسياسىن وتكىزىپ جاتقان بولاتىن. ولار 15 ناۋرىزدان باستاپ اشتىق جاريالادى. ايتۋلارىنشا، مۇناي سالاسىنا تۇراقتى جۇمىسقا ورنالاستىرۋ تالاپتارىنىڭ ورىندالماي جاتقانىن كورىنەدى.
ماڭعىستاۋ وبلىسى اكىمدىگىندە مۇناي-گاز سالاسىنىڭ بارلىق تۇرعىندارىن ءبىر مەزگىلدە ورنالاستىرۋ ازىرگە مۇمكىن ەمەس دەپ وتىر.
«وزەنمۇنايگاز قۇرىلىمىندا جۇمىسقا قابىلداۋدىڭ بەلگىلى ءبىر الگوريتمى بار. اشتىق جاريالاعان 19 ادام جالپى كەزەكتى اينالىپ ءوتىپ، «وزەنمۇنايگازدا» ورنالاستىرۋدى تالاپ ەتىپ وتىر. بۇل مۇمكىن ەمەس. باسقا جۇمىسقا ۇمىتكەرلەرگە ادىلەتسىزدىك بولادى. كوميسسيا جۇمىسىنىڭ قورىتىندىسى بويىنشا، بيىلعى جىلى جاڭاوزەن قالاسىندا 2570 ادامدى جۇمىسپەن قامتۋ جوسپارلانۋدا. 1434 تۇراقتى جانە 1136 ۋاقىتشا جۇمىس ورىندارىمەن قامتاماسىز ەتىلەدى»، - دەپ جاۋاپ بەردى ماڭعىستاۋ وبلىسىنىڭ اكىمدىگى.
“ادىرنا” ۇلتتىق پورتالى
