شىعىس قازاقستان وبلىسىندا تارتىپسىزدىككە قاتىسقاندار ەسىرتكى مەن الكوگولگە ماس بولعان. بۇل تۋرالى شقو پوليتسياسى مالىمدەدى، - دەپ حابارلايدى ”ادىرنا” ۇلتتىق پورتالى "حابار 24"ارناسىنا سىلتەمە جاساپ.
وڭىردە جاپپاي تارتىپسىزدىكتەرگە كەم دەگەندە 3 مىڭ ادام قاتىسقانى، 500 ادام ۇستالىپ، قازىرگى ۋاقىتتا ولاردان جاۋاپ الىنىپ جاتقانى ايتىلادى.
"ۇستالعاندار الكوگولگە جانە وزگە دە زاتتارعا ماس بولعان، ونىڭ ىشىندە ەسىرتكى دە بار، وسى دەرەكتىڭ بارىنە قاتىستى ساراپتاما تاعايىندالدى، ونىڭ ناتيجەسى بويىنشا زاڭسىز ارەكەتتەرگە باعا بەرىلەدى، بۇزاقىلاردىڭ قولىنان 25 قىزمەتكەر زارداپ شەكتى، ونىڭ ىشىندە پىشاق جاراقاتىن العاندار بار، كەيبىرى اۋرۋحاناعا جاتقىزىلدى. بىراق زارداپ شەككەن قىزمەتكەرلەر دە قاتاڭ تارتىپتە قىزمەت اتقارىپ جاتىر", - دەپ حابارلادى شقو پد ءباسپاسوز قىزمەتىنىڭ جەتەكشىسى تاتيانا كارپوۆا.
