اقىن ۇلىقبەك ەسداۋلەت جازۋشىلار وداعىنىڭ توراعاسى بولىپ سايلاندى، - دەپ حابارلايدى قر مادەنيەت جانە سپورت مينيسترلىگىنىڭ ءباسپاسوز قىزمەتى.
جاڭا توراعا اباي اتىنداعى مەملەكەتتىك اكادەميالىق وپەرا جانە بالەت تەاترىندا قازاقستان جازۋشىلارىنىڭ كەزەكتى XV قۇرىلتايىندا سايلاندى. جيىنعا قازاقستان جازۋشىلار وداعىنىڭ مۇشەلەرى، قۇرىلتاي دەلەگاتتارى، ارنايى شاقىرىلعان قوناقتار، استانا مەن الماتىنىڭ بۇقارالىق اقپارات قۇرالدارى وكىلدەرى قاتىستى.
ايتا كەتەيىك، وسىعان دەيىنگى توراعا نۇرلان ورازالين جازۋشىلار وداعىن 1996 جىلدان بەرى باسقارىپ كەلگەن ەدى.
ۇلىقبەك ورازبايۇلى ەسداۋلەت - اقىن، جۋرناليست. 1954 جىلى 29 ساۋىردە شىعىس قازاقستان وبلىسى زايسان اۋدانى ۇلكەن قاراتال اۋىلىندا دۇنيەگە كەلگەن. س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن جۋرناليست ماماندىعى بويىنشا، م.گوركي اتىنداعى ادەبيەت ينستيتۋتى جانىنداعى جوعارى ادەبي كۋرستاردىڭ پوەزيا ءبولىمىن ادەبيەتشى ماماندىعى بويىنشا بىتىرگەن.
گۋمانيتارلىق عىلىمدار اكادەمياسىنىڭ قۇرمەتتى اكادەميگى (2004 جىلدان). قازاقستان جۋرناليستيكا اكادەمياسىنىڭ تولىق اكادەميك-مۇشەسى. م.اۋەزوۆ اتىنداعى سەمەي ۋنيۆەرسيتەتىنىڭ قۇرمەتتى پروفەسسورى.
ۇلىقبەك ورازبايۇلى ەسداۋلەت. © massaget.kz "قانات قاقتى" (1974), "جۇلدىزجارىعى" (1977), "اپتايدىڭ التىنتامىرى" (1979), "ۇلىستىڭ ۇلى كۇنى" (1982), "اق كەرۋەن" (1985), "جاراتىلىس" (1989), "جۇرەكتەگى جارىلىستار" (1995), "التاي اسۋلارى" (1988), "زامان-اي" (1999), "كيىز كىتاپ" (2001) كىتاپتارىنىڭ; "احيللەستىڭ وكشەسى" ولەڭدەر جيناعىنىڭ (2003); قازاق تىلىندەگى 5 تومدىق شىعارمالار جيناعىنىڭ (2006), "ىنتىق زار" (2009), ء"ابىلحايات" (2009) اۆتورى.
"سەمەي-نەۆادا" قوزعالىسىنىڭ ءانۇرانى "زامان-اي" ءانى سوزدەرىنىڭ اۆتورى. اقىننىڭ شىعارمالارى شەت تەلدەرىنە اۋدارىلعان. ءۇندى، تۇرىك، فين، افريكا، الجير، ۋكراين، ءازىربايجان، قىرعىز، ابحاز، مونعول، ساحا-ياكۋت جانە باسقا حالىقتاردىڭ اقىندارىنىڭ ولەڭدەرىن; سونداي-اق م.لەرمونتوۆتىڭ، ا.بلوكتىڭ، د.كەدريننىڭ، ن.رۋبتسوۆتىڭ جانە ت.ب. بىرقاتا شىعارمالارىن قازاق تىلىنە اۋدارعان. قازاق، ورىس جانە تۇرىك تىلدەرىن بىلەدى.
1971 جىلدان - شىعىس قازاقستان وبلىستىق گازەتىنىڭ كوررەكتورى. 1977 جىلدان - رەسپۋبليكالىق "قازاقستان پيونەرى" گازەتىنىڭ ءبولىم مەڭگەرۋشىسى. 1979 جىلدان - "جازۋشى" باسپاسىنىڭ رەداكتورى (الماتى قالاسى). 1985 جىلدان - قازاق تەلەۆيزياسى جاستار رەداكتسياسىنىڭ رەداكتورى. 1986 جىلدان - "قازاق ادەبيەتى" گازەتى رەداكتسياسى سىن ءبولىمىنىڭ ءتىلشىسى.
1988 جىلدان - قازاقستان جازۋشىلار وداعى باسقارماسىنىڭ حاتشىسى. 1991 جىلدان - "جاس قازاق" گازەتىنىڭ باس رەداكتورى. 1993 جىلدان - قر سىرتقى ىستەر مينيسترلىگىندە ءبولىم مەڭگەرۋشىسى. 1997 جىلدان - قر قوعامدىق كەلىسىم، اقپارات جانە مادەنيەت مينيسترلىگىنىڭ ءبولىم مەڭگەرۋشىسى. 2000 جىلدان - قر پرەمەر-ءمينيسترىنىڭ كەڭسەسىندە مادەنيەت سەكتورىنىڭ مەڭگەرۋشىسى.
2002 جىلدان - "قازاق ادەبيەتى" گازەتى رەداكتسياسىنىڭ باس رەداكتورى بولعان. 2008 جىلدان بەرى - "جۇلدىز" ادەبي جۋرنالىنىڭ باس رەداكتورى بولىپ كەلدى. قازاقستان جازۋشىلار وداعى باسقارماسىنىڭ حاتشىسى. مەملەكەتتىك سىيلىقتى تاعايىنداۋ جونىندەگى قر مەملەكەتتىك كوميسسياسىنىڭ، ەسكەرتكىشتەر مەن مونۋمەنتتەر جونىندەگى مەملەكەتتىك كوميسسياسىنىڭ، تۇركى الەمىنىڭ ادەبي جۋرنالدارى كونگرەسىنىڭ تۇراقتى كەڭەسىنىڭ مۇشەسى.
"اقبار" بيليارد كلۋبىنىڭ مۇشەسى. "قۇرمەت" وردەنىمەن (2001); "قازاقستان كونستيتۋتسياسىنا 10 جىل" (2005), "استانانىڭ 10 جىلدىعى" (2008) مەدالدارىمەن ماراپاتتالعان. قازاقستان لەنين كومسومولى (1986), "جىگەر" شىعارماشىل جاستار بايقاۋلارىنىڭ (1979), تۇركى تىلدەس ەلدەر پوەزياسى بايقاۋىنىڭ (1995), حالىقارالىق "الاش" (2000), قر مەملەكەتتىك سىيلىقتارىنىڭ (2003) لاۋرەاتى.
رەسەيدىڭ التىن ەسەنين مەدالىنىڭ كاۆالەرى (2007). "قارا پيما" پوەماسى "جالىن" رەسپۋبليكالىق (جابىق) ادەبي سايىسىنىڭ جەڭىمپازى اتانعان (1982). ء"مۇشايرا" اقىندار سايىستارىنىڭ بىرنەشە مارتە جەڭىمپازى.
ەسداۋلەت "جالىن" جۋرنالى ۇيىمداستىرعان جابىق بايگەسىنىن جەڭىمپازى (1982), قازاقستان جاستار وداعى سىيلىعىنىڭ (1986), قازاقستان مەملەكەتتىك سىيلىعىنىڭ (2002) لاۋرەاتى. "قۇرمەت" وردەنىمەن ماراپاتتالعان (2001).
matritca.kz
