Aqyn Ulyqbek Esdáýlet Jazýshylar odaǵynyń tóraǵasy bolyp saılandy, - dep habarlaıdy QR Mádenıet jáne sport mınıstrliginiń baspasóz qyzmeti.
Jańa tóraǵa Abaı atyndaǵy memlekettik akademııalyq opera jáne balet teatrynda Qazaqstan Jazýshylarynyń kezekti XV Quryltaıynda saılandy. Jıynǵa Qazaqstan Jazýshylar odaǵynyń músheleri, quryltaı delegattary, arnaıy shaqyrylǵan qonaqtar, Astana men Almatynyń buqaralyq aqparat quraldary ókilderi qatysty.
Aıta keteıik, osyǵan deıingi tóraǵa Nurlan Orazalın Jazýshylar odaǵyn 1996 jyldan beri basqaryp kelgen edi.
Ulyqbek Orazbaıuly Esdáýlet - aqyn, jýrnalıst. 1954 jyly 29 sáýirde Shyǵys Qazaqstan oblysy Zaısan aýdany Úlken Qaratal aýylynda dúnıege kelgen. S.M.Kırov atyndaǵy Qazaq memlekettik ýnıversıtetiniń jýrnalıstıka fakýltetin jýrnalıst mamandyǵy boıynsha, M.Gorkıı atyndaǵy Ádebıet ınstıtýty janyndaǵy Joǵary ádebı kýrstardyń poezııa bólimin ádebıetshi mamandyǵy boıynsha bitirgen.
Gýmanıtarlyq ǵylymdar akademııasynyń qurmetti akademıgi (2004 jyldan). Qazaqstan jýrnalıstıka akademııasynyń tolyq akademık-múshesi. M.Áýezov atyndaǵy Semeı ýnıversıtetiniń qurmetti professory.
Ulyqbek Orazbaıuly Esdáýlet. © massaget.kz "Qanat qaqty" (1974), "Juldyzjaryǵy" (1977), "Aptaıdyń altyntamyry" (1979), "Ulystyń uly kúni" (1982), "Aq kerýen" (1985), "Jaratylys" (1989), "Júrektegi jarylystar" (1995), "Altaı asýlary" (1988), "Zaman-aı" (1999), "Kıiz kitap" (2001) kitaptarynyń; "Ahıllestiń ókshesi" óleńder jınaǵynyń (2003); qazaq tilindegi 5 tomdyq shyǵarmalar jınaǵynyń (2006), "Yntyq zar" (2009), "Ábilhaıat" (2009) avtory.
"Semeı-Nevada" qozǵalysynyń ánurany "Zaman-aı" áni sózderiniń avtory. Aqynnyń shyǵarmalary shet telderine aýdarylǵan. Úndi, túrik, fın, afrıka, aljır, ýkraın, ázirbaıjan, qyrǵyz, abhaz, monǵol, saha-ıakýt jáne basqa halyqtardyń aqyndarynyń óleńderin; sondaı-aq M.Lermontovtyń, A.Bloktyń, D.Kedrınniń, N.Rýbovtyń jáne t.b. birqata shyǵarmalaryn qazaq tiline aýdarǵan. Qazaq, orys jáne túrik tilderin biledi.
1971 jyldan - Shyǵys Qazaqstan oblystyq gazetiniń korrektory. 1977 jyldan - respýblıkalyq "Qazaqstan pıoneri" gazetiniń bólim meńgerýshisi. 1979 jyldan - "Jazýshy" baspasynyń redaktory (Almaty qalasy). 1985 jyldan - Qazaq televızııasy jastar redakııasynyń redaktory. 1986 jyldan - "Qazaq ádebıeti" gazeti redakııasy syn bóliminiń tilshisi.
1988 jyldan - Qazaqstan Jazýshylar odaǵy basqarmasynyń hatshysy. 1991 jyldan - "Jas Qazaq" gazetiniń bas redaktory. 1993 jyldan - QR Syrtqy ister mınıstrliginde bólim meńgerýshisi. 1997 jyldan - QR Qoǵamdyq kelisim, aqparat jáne mádenıet mınıstrliginiń bólim meńgerýshisi. 2000 jyldan - QR Premer-mınıstriniń Keńsesinde mádenıet sektorynyń meńgerýshisi.
2002 jyldan - "Qazaq ádebıeti" gazeti redakııasynyń bas redaktory bolǵan. 2008 jyldan beri - "Juldyz" ádebı jýrnalynyń bas redaktory bolyp keldi. Qazaqstan Jazýshylar odaǵy basqarmasynyń hatshysy. Memlekettik syılyqty taǵaıyndaý jónindegi QR Memlekettik komıssııasynyń, Eskertkishter men monýmentter jónindegi Memlekettik komıssııasynyń, Túrki áleminiń ádebı jýrnaldary kongresiniń Turaqty keńesiniń múshesi.
"Aqbar" bılıard klýbynyń múshesi. "Qurmet" ordenimen (2001); "Qazaqstan Konstıtýııasyna 10 jyl" (2005), "Astananyń 10 jyldyǵy" (2008) medaldarymen marapattalǵan. Qazaqstan Lenın komsomoly (1986), "Jiger" shyǵarmashyl jastar baıqaýlarynyń (1979), túrki tildes elder poezııasy baıqaýynyń (1995), halyqaralyq "Alash" (2000), QR Memlekettik syılyqtarynyń (2003) laýreaty.
Reseıdiń Altyn Esenın medaliniń kavaleri (2007). "Qara pıma" poemasy "Jalyn" respýblıkalyq (jabyq) ádebı saıysynyń jeńimpazy atanǵan (1982). "Múshaıra" aqyndar saıystarynyń birneshe márte jeńimpazy.
Esdáýlet "Jalyn" jýrnaly uıymdastyrǵan jabyq báıgesinin jeńimpazy (1982), Qazaqstan Jastar Odaǵy syılyǵynyń (1986), Qazaqstan memlekettik syılyǵynyń (2002) laýreaty. "Qurmet" ordenimen marapattalǵan (2001).
matritca.kz
