ەلىمىزدە جول ەرەجەسىن بۇزعانى ءۇشىن سالىناتىن ايىپپۇل مولشەرى ارتتى

2659
Adyrna.kz Telegram

ەلىمىزدە جول ەرەجەسىن بۇزعانى ءۇشىن سالىناتىن ايىپپۇل مولشەرى ارتتى دەپ حابارلايدى "ادىرنا" ۇلتتىق پورتالى.

ماسەلەن، جىلدامدىقتى 10-20 شق/ساع اسىرعانى ءۇشىن ايىپپۇل 14 مىڭ 585-تەن 15 مىڭ 315-كە دەيىن، 40 شق/ساع جانە ودان اساتىن جىلدامدىق ءۇشىن 58 مىڭ 340 تەڭگەدەن 61 مىڭ 260-قا دەيىن وسەدى.

كولىك جۇرگىزۋ كەزىندە ۇيالى تەلەفون پايدالانعانى ءۇشىن جۇرگىزۋشىلەر ەندى 14 585 تەڭگە  ەمەس، 15 مىڭ 315 تەڭگە تولەۋى كەرەك.

زياندى شىعارىندىلار نورماسىن اسىرعانى ءۇشىن ايىپپۇل 5 مىڭ 834 تەڭگەدەن  6 مىڭ 126-عا دەيىن ءوستى.

قاۋىپسىزدىك بەلدىگىن تاقپاعانى ءۇشىن ايىپپۇل 15 315 تەڭگە. ءدال وسىنداي ايىپپۇل كولىكتى دۇرىس قويماعانى ءۇشىن دە قاراستىرىلعان. الايدا، ەگەر كولىك كوگالعا نەمەسە ويىن الاڭىنا قويىلسا، جۇرگىزۋشىگە قازىردىڭ وزىندە 30 مىڭ 630 تەڭگە ايىپپۇل سالىنادى.

تولەنبەگەن تۇراق ءۇشىن ايىپپۇل 9 مىڭ 189 تەڭگە. كەپتەلىس پايدا بولعان قيىلىسقا دەيىن كولىكپەن ءجۇرۋ ءۇشىن جانە كۇندىزگى ۋاقىتتا قوسىلماعان شام جارىعى نەمەسە تۇراق شامدارى ءۇشىن دە ءدال وسىنداي ايىپپۇل.

مانەۆر جاساۋ كەزىندە قوسىلماعان بۇرىلىس سيگنالى جۇرگىزۋشىگە 15 مىڭ 315تەڭگە، ال قىزىل باعدارشامعا ءوتۋ 30 مىڭ 630 بولادى. جاياۋ جۇرگىنشىگە جول بەرمەگەن جۇرگىزۋشى دە 30 630 تەڭگە كولەمىندە ايىپپۇل تولەيدى.

ايىپپۇل سوماسىنىڭ ۇلعايۋىنا 2022 جىلدىڭ 1 قاڭتارىنان باستاپ اەك-ءتىڭ ۇلعايۋى سەبەپ.

 

 

"ادىرنا" ۇلتتىق پورتالى.

پىكىرلەر