قىزىلوردا وبلىسىنداعى كوشەدە ءبىر توپ جاس جىگىتتىڭ توبەلەسكەنى ۆيدەوعا ءتۇسىپ قالعان دەپ حابارلايدى "ادىرنا" ۇلتتىق پورتالى "Tengrinews.kz"-كە سىلتەمە جاساپ.
ۆيدەودا جىگىتتەردىڭ ءبىر-بىرىنە تاس لاقتىرعانى، تاياق قولدانعانى جانە وسى ارەكەتتىڭ ءبارى پوليتسيا سيرەناسى ويناپ جاتقاندا بولعانى كورسەتىلەدى.
قازالى اۋداندىق پوليتسيا بولىمىندە 1 قاڭتاردا قىزىلوردا وبلىسى قازالى اۋدانىندا بولعان بۇزاقىلىق دەرەگى سوتقا دەيىنگى تەرگەۋدىڭ بىرىڭعاي تىزىلىمىندە تىركەلگەنى حابارلاندى.
"پوليتسيا بولىمىنە شاعىم، ءوتىنىش تۇسكەن جوق. سونداي-اق، اۋداندىق اۋرۋحاناعا ەشكىم مەديتسينالىق كومەك سۇراپ جۇگىنگەن جوق", - دەپ مالىمدەدى ۆەدومستۆو وكىلى.
بۇل ىسكە قاتىستى قىلمىستىق كودەكستىڭ 293-بابى (بۇزاقىلىق) بويىنشا سوتقا دەيىنگى تەرگەۋ جۇرگىزىلىپ جاتىر.
"وقيعا ورنىنان پوليتسيا قىزمەتكەرلەرى پوليتسيا بولىمىنە 8 ازاماتتى جەتكىزدى. وقيعانىڭ ءمان-جايى انىقتالىپ جاتىر", - دەپ مالىمدەدى اۋداندىق پوليتسيا ءبولىمى قىزمەتكەرلەرى.
"ادىرنا" ۇلتتىق پورتالى.