ايەلىن اياۋسىز پىشاقتاپ ولتىرگەن شەنەۋنىككە قاتىستى سوت ۇكىمى شىقتى

2391
Adyrna.kz Telegram

بقو قىلمىستىق ىستەر جونىندەگى مامانداندىرىلعان اۋدانارالىق سوتىندا تۇرعىن ءۇي-كوممۋنالدىق شارۋاشىلىق ءبولىمىنىڭ ەكس-قىزمەتكەرىنە قاتىستى ۇكىم جاريالاندى دەپ حابارلايدى "ادىرنا" ۇلتتىق پورتالى «ەكسپرەسس ك» سايتىنا سىلتەمە جاساپ.

بۇرىنعى ايەلىن 30 رەت پىشاقتاپ ولتىرگەن بۇرىنعى شەنەۋنىك 15 جىلعا باس بوستاندىعىنان ايىرىلدى.

— حايرۋللين باۋىرجان كىنالى دەپ تانىلىپ، 15 جىلعا باس بوستاندىعىنان ايىرۋ جازاسىن قاتاڭ رەجيمدەگى كولونيادا وتەۋ تۋرالى ۇكىم شىعارىلدى، – دەدى سۋديا باقىت ەرماحانوۆ.

سونداي-اق سوتتالۋشى مارقۇمنىڭ اناسىنا 11 ميلليون تەڭگەدەن استام، ال اپكەسى 5 ميلليون تەڭگەگە جۋىق اقشا تولەۋى ءتيىس. تۋىستارى سوت ۇكىمىمەن كەلىسپەدى. اناسى مەن اپكەسى ءحايرۋلليننىڭ بۇدان دا اۋىر جازاعا لايىق ەكەنىن ايتتى.

— ايناگۇل حايرۋللينا ومىرلىك بەلگىلەرسىز اۋرۋحاناعا جەتكىزىلدى، — دەدى سۋديا. سوت سوتتالۋشى ادام ءولتىرۋدى الدىن الا جوسپارلاعان، سول سەبەپتى بۇرىنعى ايەلىمەن جۇمىس ىستەۋگە بارا جاتىپ، وزىمەن بىرگە پىشاق الىپ، ونى ولتىرگەن، سودان كەيىن قىلمىس ورنىن تاستاپ كەتكەن دەگەن قورىتىندىعا كەلدى. كىسى ولتىرۋگە قىزعانىش سەبەپ بولعان.

ءحايرۋلليننىڭ ءوزى ايناگۇلدىڭ ءولىمى تۋرالى ەكى كۇننەن كەيىن عانا بىلگەنىن ايتتى.

سوت وتىرىسىندا قورعاۋشى تاراپ حايرۋللين بۇرىنعى ايەلىن 30 سەكۋندتا ازاپتاي المايتىنىن، ونىڭ اففەكت كۇيىندە ارەكەت ەتكەنىن ايتتى، ساراپشىلار مۇنى جوققا شىعاردى.

ۇكىم زاڭدى كۇشىنە ەنگەن جوق. وعان 15 كۇن ىشىندە شاعىمدانۋعا بولادى.

ەسكە سالايىق، اعىمداعى جىلدىڭ ءساۋىر ايىندا تۇرعىن ءۇي-كوممۋنالدىق شارۋاشىلىق ءبولىمىنىڭ بۇرىنعى قىزمەتكەرى ايەلىنە  كوشەدە تۋرا 30 جەردەن پىشاق سۇعىپ، قىز سول جەردە كوز جۇمدى. سوتتا ەر ادام ايەلىن ساتقىندىق جاسادى دەپ كۇدىكتەنەتىنىن ايتتى. ال مارقۇم ايناگۇل حايرۋللينانىڭ اتا-اناسى بۇرىنعى كۇيەۋىنىڭ ايەلدى ءجيى ۇرىپ-سوعاتىنىن ايتتى. ءتىپتى قورقىتۋلار دا بولعان، بىراق ولار باۋىرجان ءحايرۋلليننىڭ مۇنداي قىلمىسقا باراتىنىنا سەنە الماي، وعان ەڭ اۋىر جازا سۇرادى.

 

"ادىرنا" ۇلتتىق پورتالى

پىكىرلەر