شىمكەنتتە بيىلعى جىلعى قورىتىندى كونتسەرت ادەتتەگىدەي ساحنا جۇلدىزدارىنىڭ ەمەس، مۇمكىندىگى شەكتەۋلى ازاماتتاردىڭ ونەرىن تاماشالاپ، سالماقتى دا سىرلى ويلاردىڭ ايتىلۋى كەشتى ەرەكشە ەتتى دەپ حابارلايدى "ادىرنا" ۇلتتىق پورتالى شىمكەنت قالاسىنىڭ اقپاراتتىق-كوممۋنيكاتسيالىق ورتالىعىنا سىلتەمە جاساپ.
«جۇرەك جىلۋى» تاقىرىبىمەن وتكەن قايىرىمدىلىق ءىس-شاراسىنا قالانىڭ قايىرىمدى جاندارى، كوپ بالالى انالار، مۇمكىندىگى شەكتەۋلى ازاماتتار جانە مادەنيەت سالاسىندا ەڭبەگى سىڭگەن نار تۇلعالار مەن ورتالىق مەشىتتىڭ باس يمامى قاتىستى.
ارنايى ءسوز العان مەشىت يمامى مەن مادەنيەت سالاسىنا زور ۇلەس قوسىپ جۇرگەن ايداربەكوۆا كۇليا سمايلحانقىزى ىستىق ىقىلاستىرىن تولقىنىسپەن جەتكىزدى.
كەشكە ارنايى شاقىرتىلعان قوناقتار اراسىندا ورتالىقتىڭ ءىس-شاراسىنا ۇنەمى جاناشىرلىق كورسەتىپ، جاڭالىق جارشىلارى بولىپ جۇرگەن بەيسەنكۇل نارىمبەتوۆا جانە زاۋرە ورالباەۆا دا بار.
سونداي-اق، كەشتىڭ جوعارى دەڭگەيدە وتۋىنە «شۇعىلالى تاڭ» قايىرىمدىلىق قورىنىڭ توراعاسى ورمانوۆا دانا حانىم قولداۋ كورسەتسە، «جىبەك» جشس، «ەكو-فارم» جشس، «راحات» جشس، «كامالوۆا» جشس، «مارالىم»جك، «ميزام» حالال كافەسى، «سانجار» جشس، «پيونەر» جشس، «ايجامال» تاتتىلەرى، «ايساۋلە» كوسمەتيكالىق ونىمدەرى، «Aizere kids» بالالار كيىم دۇكەنى سىندى قالامىزدىڭ بەلدى ساۋدا بەلگىلەرى ءىس-شاراعا دەمەۋشىلىك جاسادى.
"ادىرنا" ۇلتتىق پورتالى
