شىمكەنتتىك تاكسي جۇرگىزۋشىلەرىنىڭ ءبىرى تابىسى تۋرالى ايتتى. ونىڭ ايتۋىنشا، جۇمىس كوپ كۇش-قۋاتتى تالاپ ەتەدى، بىراق ءدال وسى جۇمىس ءۇي سالۋىنا باستاما بولعان، - دەپ حابارلايدى ”ادىرنا” ۇلتتىق پورتالى Otyrar.kz سايتىنا سىلتەمە جاساپ.
جۇرگىزۋشىنىڭ ايتۋىنشا، ول قازىر ايىنا 700 مىڭ تەڭگە تابادى. ول مۇنداي اقشانى ەشقاشان الماعانىن مويىندادى.
"كارانتينگە بايلانىستى مەن جۇمىستان بوساپ قالدىم. Lexus كولىگىمدى ساتىپ، قاراپايىم كولىك الىپ، تاكيس بولۋعا تۋرا كەلدى. مەن كولىكتى ساتۋدان تۇسكەن اقشانىڭ ءبىر بولىگىن يپوتەكاعا سالدىم، ءۇي سالۋدى بۇرىننان ارماندايتىنمىن. تاكسي قىزمەتىندە جۇمىس ىستەي باستاعاندا العاشىندا شارشادىم. تاڭعى ساعات 5-تە تۇرىپ، تۇنگە دەيىن جۇمىس ىستەدىم، ايەلىم مەنى ۋايىمداپ، ءجيى سوزگە كەلىپ قالاتىن بولدىق. قازىر مەن باسقا تاكسي كومپانياسىندا جۇمىس ىستەيمىن. 1 جىلدان بەرى ياندەكستىڭ تاپسىرىسى بويىنشا جۇرەمىن، كەستەم بار، ايىنا شامامەن 700 مىڭ تەڭگە الامىن. ۇيگە اقشا جيناۋعا مۇمكىندىك تۋدى، ايەلىمە گۇل، سىيلىق الۋعا اقشا بولادى. وسىلاي جاعدايىم جاقساردى", - دەپ مويىندايدى ەر ادام.
”ادىرنا” ۇلتتىق پورتالى
