1. 2021 جىلدىڭ 23 شىلدەسى مەن 8 تامىزى ارالىعىندا جاپونيا ەلىنىڭ استاناسى توكيو قالاسىندا وتكەن XXXII-جازعى وليمپيادا ويىندارىنا شىمكەنت قالاسىنان 11 سپورتشى قاتىسىپ قازاقستان سپورتىنىڭ قورجىنىنا 2 قولا مەدال الىپ كەلدى. ءتورت جىلدا ءبىر رەت وتەتىن ويىنداردىڭ جۇلدەگەرلەرى-كاراتەشىلەر سوفيا بەرۋلتسەۆا مەن دارحان اساديلوۆ.
2. شىمكەنتتىك سپورتشىلار 2021 جىلى وتكەن قۇرلىقتىق الەم چەمپيوناتتارىندا جانە ازيا چەمپيوناتتارىندا 23 وليمپيادالىق جانە وليمپيادالىق ەمەس سپورت تۇرلەرى بويىنشا 170 مەدال جەڭىپ الدى. ونىڭ ىشىندە، ەرەسەكتەر، جاسوسپىرىمدەر جانە ۇلدار ساناتى بويىنشا الەم چەمپيوناتتارىندا 36 التىن، 29 كۇمىس جانە 23 قولا مەدال. ازيا چەمپيوناتتارىندا 37 التىن، 30 كۇمىس، 15 قولا مەدال بار.
3. وڭتۇستىك مەگاپوليستەن قازاقستان ۇلتتىق قۇراما كومانداسىنىڭ قۇرامىنا 885 سپورتشى كىرەدى، ونىڭ ىشىندە ەرەسەكتەر – 416, جاستار قۇرامى – 268, جاسوسپىرىمدەر قۇرامى – 201 سپورتشى.
سونىمەن قاتار، بيىلعى جىلى سوفيا بەرۋلتسەۆا (كاراتە), دارحان اساديلوۆ (كاراتە), كالدار قاسىمباەۆ (دجيۋ-دجيتسۋ), سابىرحان ماحمۋد (بوكس), ارلي چونتەي (اۋىر اتلەتيكا) شىمكەنتتىك سپورتشىلار «قازاقستان رەسپۋبليكاسىنىڭ ەڭبەك سىڭىرگەن سپورت شەبەرى» اتاعىن يەلەنسە، باقىت شاديەۆ (ايەلدەر كۇرەسى), بياشير الىكوۆ (كاراتە), ءىلياس ورالبەكوۆ (بوكس), مۇرات جۇماباەۆ (ايەلدەر كۇرەسى) سىندى جاتتىقتىرۋشىلار وليمپيادا ويىندارىنىڭ، الەم چەمپيوناتتارىنىڭ جۇلدەگەرلەرىن تاربيەلەگەنى ءۇشىن «قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى» اتاعىنا يە بولدى.
4. شىمقالادا ناۋرىز-تامىز ايلارىندا قازاقستان رەسپۋبليكاسىنىڭ V-جازعى جاستار ويىندارى ءوتتى. وليمپيادالىق سپورتتىڭ 33 تۇرىنەن وتكەن سايىستا ءبىزدىڭ قۇراما كوماندا 1004 ۇپايمەن 2-ورىندى يەلەندى. جەڭىمپازداردى قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى راحمەتوللاقىزى ماراپاتتادى.
5. شىمكەنت قالاسىندا سپورت سەكتسيالارىندا شۇعىلدانۋشىلاردىڭ سانىن ارتتىرۋ ءۇشىن، ءتيىستى ينفراقۇرىلىمدى جانە قوسىمشا جۇمىس ورىندارىن كوبەيتۋ ماقساتىندا، سپورتتىق ۇيىرمەلەردى جان باسىنا شاققانداعى قارجىلاندىرۋ جوباسى ىسكە اسىرىلدى. جوبا اياسىندا 54 كاسىپكەر بىلىكتىلىك ىرىكتەۋدەن ءوتىپ، 15 سپورت ءتۇرى بويىنشا 12 474 بالانى سپورتتىق ۇيىرمەمەن قامتاماسىز ەتۋدە.
6. شىمكەنت قالاسىنداعى سپورتتىق ينفراقۇرىلىمدى دامىتۋ ماقساتىندا قالا اۋماعىنداعى تۇرعىن الاپتار مەن شاعىن اۋدانداردا 115 سپورت الاڭشاسىنىڭ قۇرىلىس جۇمىستارى جۇرگىزىلۋدە. ونىڭ ىشىندە 14 الاڭشا دەمەۋشىلەر ەسەبىنەن جۇرگىزىلدى.
قالعان 101 سپورت الاڭشاسىنىڭ قۇرىلىسىنا بيۋدجەتتەن 2 060,0 ملن. تەڭگە ءبولىنىپ، قۇرىلىس جۇمىستارى اياقتالدى.
7. شىمكەنت قالاسىندا 2021 جىلى باستالعان 4 سپورت نىسانىنىڭ قۇرلىسى قارقىندى جۇرگىزىلۋدە. قۇرلىس نىساندارى 2022 جىلعا وتپەلى. اتاپ ايتقاندا:
- جالپى قۇنى 3 019 840,6 مىڭ تەڭگەنى قۇرايتىن «شىمكەنت قالاسىنداعى «مەتاللۋرگ» ستاديونىن رەكونسترۋكتسيالاۋ».
- قۇرىلىس جۇمىستارىنىڭ قۇنى 750,6 ملن. تەڭگەنى قۇرايتىن «شىمكەنت قالاسىنىڭ سايرام تۇرعىن الابىندا №12 سپورت مەكتەبىنىڭ قوسىمشا كورپۋسىن سالۋ».
- «BI Group» كومپانياسى ارقىلى جاڭا يپپودروم قۇرىلىسى باستالدى. قازىرگى تاڭدا، جەردى قازۋ، تەگىستەۋ جۇمىستارى جۇرگىزىلىپ، بەتون توسەنىشتەرى قۇيىلىپ، ىرگەتاسى قالانۋدا. جوبالىق قۇنى 3,8 ملرد. تەڭگە.
- «وتاۋ ستروي» جشس ۇستەل تەننيسىنە ارنالعان سپورت نىسانىنىڭ قۇرىلىسىن جۇرگىزۋدە. قازىرگى ۋاقىتتا، جەردى تەگىستەۋ جۇمىستارى اياقتالىپ، بەتون قۇيۋ جۇمىستارى باستالدى. جوبالىق قۇنى 500 ملن. تەڭگە.
سونداي-اق 2022 جىلى قالالىق №15 جانە №20 سپورت مەكتەپتەرىنە قاراستى سپورت كەشەندەرىنىڭ قۇرىلىسىن جۇرگىزۋ جوسپارلانۋدا.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعى
