قاراعاندى وبلىسىنىڭ ىشكى ساياسات باسقارماسى مەن وعان قاراستى «قوعامدىق كەلىسىم» مەكەمەسىنىڭ قىزمەتكەرلەرى وزدەرىنە جالپى سوماسى 17 ميلليون تەڭگەنى نەگىزسىز تولەگەن. مۇنداي قورىتىندىعا مەملەكەتتىك اۋديتورلار 2020 جىلعا ارنالعان شوعىرلاندىرىلعان قارجىلىق ەسەپتىلىك ءاۋديتىنىڭ ناتيجەلەرى بويىنشا كەلدى، دەپ حابارلايدى "ادىرنا" ۇلتتىق پورتالى.
كوميسسيا قورىتىندىسىنا سايكەس، شەنەۋنىكتەر اقشالاي ىنتالاندىرۋدى تولەۋگە تۇراقتى ساياسي جاعدايدى قامتاماسىز ەتۋ شارالارىن جۇزەگە اسىرۋعا باعىتتالعان قاراجاتتى پايدالانعان. ولاردىڭ باسىم بولىگى ىشكى ساياسات ءبولىمى (13 ملن. تەڭگە), از بولىگى – «قوعامدىق كەلىسىم» (4 ملن. تەڭگە) قىزمەتكەرلەرىنىڭ ەسەپشوتىنا ءتۇسىپ، ەشقانداي شارا قولدانباعان.
«جالپى سوماسى 45 ملن تەڭگەنى قۇرايتىن باسقا دا انىقتالعان بۇزۋشىلىقتارمەن قاتار، نەگىزسىز سىياقىلار قاراعاندى وبلىسىنىڭ ىشكى ساياسات باسقارماسىنىڭ قىزمەتىنەن ەكونوميكالىق جانە الەۋمەتتىك ناتيجەگە قول جەتكىزۋگە تەرىس اسەر ەتتى»، - دەلىنگەن قۇجاتتا. وعان قاراعاندى وبلىسى بويىنشا تەكسەرۋ كوميسسياسىنىڭ مۇشەسى ايگۇل قۇتجانوۆا قول قويدى.تەكسەرۋ قورىتىندىسى بويىنشا جەرگىلىكتى بيۋدجەتكە 17 ملن تەڭگە قايتارىلدى، لاۋازىمدى تۇلعالاردى اكىمشىلىك جاۋاپكەرشىلىككە تارتۋ ماسەلەسىن قاراۋ ءۇشىن ماتەريالدار ۋاكىلەتتى ورگاندارعا بەرىلدى. ىشكى ساياسي تۇراقتىلىقتى، حالىقتىڭ بىرلىگىن جانە قوعامدى توپتاستىرۋدى قامتاماسىز ەتۋ بويىنشا مەملەكەتتىك ساياساتتى جۇزەگە اسىرۋ قاراعاندى وبلىسىنىڭ ىشكى ساياسات باسقارماسىنىڭ باستى نازارىندا. مەملەكەتتىك مەكەمەنىڭ 2020 جىلى جالپى كىرىسى 1,3 ملرد تەڭگەنى، ەڭبەك شىعىندارى 109 ملن تەڭگەنى قۇرادى. 2020 جىلدىڭ 10 اقپانىنان باستاپ ونى بۇعان دەيىن «قوعامدىق كەلىسىم» قمۋ-ءدى باسقارعان ەرلان قۇسايىن باسقارادى. بۇعان دەيىن Kursiv.kz بقو تەكسەرۋ كوميسسياسى انىقتاعان جالپى سوماسى 2,7 ملرد تەڭگەنى قۇرايتىن قارجىلىق بۇزۋشىلىقتار تۋرالى جازعان بولاتىن. ودان كەيىن بقو ءبورلى اۋدانىنىڭ شەنەۋنىكتەرى جالاقى مەن جول ءجۇرۋ اقىسىن نەگىزسىز ەسەپتەگەن. ولار دا ءبىر مەملەكەتتىك مەكەمەدەن ەكىنشى مەكەمەنىڭ ەسەبىنەن كولىك ساتىپ العان. بقو تەكسەرۋ كوميسسياسى اۋداننىڭ سەگىز مەملەكەتتىك ورگانىندا تەكسەرۋ جۇرگىزىپ، 33 پروتسەسسۋالدىق جانە قارجىلىق بۇزۋشىلىقتاردى انىقتادى.
"ادىرنا" ۇلتتىق پورتالى
ۇقساس جاڭالىقتار
