Qaraǧandy oblysynyŋ ışkı saiasat basqarmasy men oǧan qarasty «Qoǧamdyq kelısım» mekemesınıŋ qyzmetkerlerı özderıne jalpy somasy 17 million teŋgenı negızsız tölegen. Mūndai qorytyndyǧa memlekettık auditorlar 2020 jylǧa arnalǧan şoǧyrlandyrylǧan qarjylyq eseptılık auditınıŋ nätijelerı boiynşa keldı, dep habarlaidy "Adyrna" ūlttyq portaly.
Komissiia qorytyndysyna säikes, şeneunıkter aqşalai yntalandyrudy töleuge tūraqty saiasi jaǧdaidy qamtamasyz etu şaralaryn jüzege asyruǧa baǧyttalǧan qarajatty paidalanǧan. Olardyŋ basym bölıgı ışkı saiasat bölımı (13 mln. teŋge), az bölıgı – «Qoǧamdyq kelısım» (4 mln. teŋge) qyzmetkerlerınıŋ esepşotyna tüsıp, eşqandai şara qoldanbaǧan.
«Jalpy somasy 45 mln teŋgenı qūraityn basqa da anyqtalǧan būzuşylyqtarmen qatar, negızsız syiaqylar Qaraǧandy oblysynyŋ ışkı saiasat basqarmasynyŋ qyzmetınen ekonomikalyq jäne äleumettık nätijege qol jetkızuge terıs äser ettı», - delıngen qūjatta. Oǧan Qaraǧandy oblysy boiynşa tekseru komissiiasynyŋ müşesı Aigül Qūtjanova qol qoidy.Tekseru qorytyndysy boiynşa jergılıktı biudjetke 17 mln teŋge qaitaryldy, lauazymdy tūlǧalardy äkımşılık jauapkerşılıkke tartu mäselesın qarau üşın materialdar uäkılettı organdarǧa berıldı. Işkı saiasi tūraqtylyqty, halyqtyŋ bırlıgın jäne qoǧamdy toptastyrudy qamtamasyz etu boiynşa memlekettık saiasatty jüzege asyru Qaraǧandy oblysynyŋ ışkı saiasat basqarmasynyŋ basty nazarynda. Memlekettık mekemenıŋ 2020 jyly jalpy kırısı 1,3 mlrd teŋgenı, eŋbek şyǧyndary 109 mln teŋgenı qūrady. 2020 jyldyŋ 10 aqpanynan bastap ony būǧan deiın «Qoǧamdyq Kelısım» QMU-dı basqarǧan Erlan Qūsaiyn basqarady. Būǧan deiın Kursiv.kz BQO tekseru komissiiasy anyqtaǧan jalpy somasy 2,7 mlrd teŋgenı qūraityn qarjylyq būzuşylyqtar turaly jazǧan bolatyn. Odan keiın BQO Börlı audanynyŋ şeneunıkterı jalaqy men jol jüru aqysyn negızsız eseptegen. Olar da bır memlekettık mekemeden ekınşı mekemenıŋ esebınen kölık satyp alǧan. BQO tekseru komissiiasy audannyŋ segız memlekettık organynda tekseru jürgızıp, 33 prosessualdyq jäne qarjylyq būzuşylyqtardy anyqtady.
"Adyrna" ūlttyq portaly
Ūqsas jaŋalyqtar
