ايدوس ساكەنوۆ قازاقستان رەسپۋبليكاسى مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى بولىپ تاعايىندالدى، دەپ حابارلايدى "ادىرنا" ۇلتتىق پورتالى قازاقستان پرەمەر-ءمينيسترى ءباسپاسوز قىزمەتىنە سىلتەمە جاساپ.
قر مادەنيەت جانە سپورت ءمينيسترى بۇيرىعى بويىنشا ايدوس مەرەكەۇلى ساكەنوۆ قازاقستان رەسپۋبليكاسى مادەنيەت جانە سپورت مينيسترلىگىنىڭ تۋريزم يندۋسترياسى كوميتەتىنىڭ توراعاسى قىزمەتىنە تاعايىندالدى، - دەلىنگەن حابارلامادا.
ايدوس ساكەنوۆ 1987 جىلى وسكەمەن قالاسىندا دۇنيەگە كەلگەن. لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىن، لەونيد گونچاروۆ اتىنداعى قازاق اۆتوموبيل-جول ينستيتۋتىن، قر پرەزيدەنتى جانىنداعى مەملەكەتتىك باسقارۋ اكادەمياسىن، ليدس ۋنيۆەرسيتەتىن تامامداعان.
ەڭبەك جولىن 2008 جىلى قر كولىك جانە كوممۋنيكاتسيا مينيسترلىگىنىڭ اۆتوموبيل جولدارى كوميتەتىنىڭ پايدالانۋ باسقارماسى ساراپشىسىنىڭ م.ا. بولىپ باستادى.
2009-2014 جىلدارى - قر كولىك جانە كوممۋنيكاتسيا مينيسترلىگىنىڭ قۇرىلىمىندا ءارتۇرلى قىزمەتتەر اتقارعان. 2014-2016 جىلدارى - قر ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتىنىڭ ساراپشىسى.
2016-2018 جىلدارى - الماتى قالاسى كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ جەكە كاسىپكەرلىكتى قولداۋ جانە دامىتۋ ءبولىمىنىڭ باسشىسى.
2018-2020 جىلدارى - پاۆلودار وبلىسىنىڭ كاسىپكەرلىك جانە ساۋدا باسقارماسى باسشىسىنىڭ ورىنباسارى. 2020 جىلعى مامىر ايىنان باستاپ قازىرگى ۋاقىتقا دەيىن قر مادەنيەت جانە سپورت مينيسترلىگىنىڭ تۋريزم يندۋسترياسى كوميتەتى توراعاسىنىڭ ورىنباسارى قىزمەتىن اتقارعان.
"ادىرنا" ۇلتتىق پورتالى
