الماتى قالاسىنىڭ باس سانيتارلىق دارىگەرى جانە قر دسم كسك سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين زەينەتكە شىعۋىنا بايلانىستى 5 قاڭتاردان باستاپ قىزمەتىنەن كەتەدى، دەپ حابارلايدى «ادىرنا» ءتىلشىسى orda.kz-كە سىلتەمە جاساپ.
اقپاراتتى الماتى سانيتارلىق-ەپيدەميولوگيالىق باقىلاۋ دەپارتامەنتى راستادى.
«مەنىڭ كەلىسىمشارتىم اياقتالدى. «مەملەكەتتىك قىزمەت تۋرالى» زاڭعا سايكەس، زەينەتكەرلەرگە جۇمىستى ءبىر جىلعا ۇزارتۋعا بولادى، ال ماعان ەكىنشى رەت ۇزارتىلدى، ءارى قاراي مۇمكىن ەمەس. مەن قاڭتاردا كەتەمىن، – دەدى جانداربەك بەكشين.
ايتا كەتەيىك، الماتى قالاسىنىڭ باس سانيتارلىق دارىگەرى جانە سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قىزمەتىن قارلىعاش ءابدىجابباروۆا اتقارماق.
«ادىرنا» ۇلتتىق پورتالى