نۇر-سۇلتاندا رەسەيلىك تاۋارلاردىڭ العاشقى سۋپەرماركەتى اشىلدى. وعان «ماترەشكا» اتاۋى بەرىلگەن، دەپ حابارلايدى «ادىرنا» ءتىلشىسى.
سالتاناتتى ءىس-شاراعا رەسەي ەلشىسى الەكسەي بوروداۆكين مەن رەسەي فەدەراتسياسىنىڭ ساۋدا وكىلى اندرەي بابكو قاتىستى.
«امبەباپتىقتىڭ، اسسورتيمەنت بايلىعىنىڭ، تاۋارلاردىڭ ساپاسىنىڭ ارقاسىندا بۇل سۋپەرماركەت ەلوردا تۇرعىندارى اراسىندا ۇلكەن جەتىستىككە جەتەدى دەپ سەنەمىن»،- دەدى بوروداۆكين اشىلۋ سالتاناتىندا.
ونىڭ ايتۋىنشا، دۇكەندە رەسەيدىڭ 31 ايماعىنان تاۋارلار ۇسىنىلعان.
«قازاقستاندىقتاردىڭ سۇيىكتى ەت ونىمدەرى، ىرىمشىكتەر، كوفە، شاي جانە تاتتىلەر بار. سۋپەرماركەتتىڭ جاڭا جىل مەن روجدەستۆو قارساڭىندا اشىلعانى ماڭىزدى، مۇندا بارلىعىن مەرەكەلىك ۇستەلگە ساتىپ الۋعا بولادى»،– دەدى ديپلومات.
