حالىق ءارتىسى ماقپال ءجۇنىسوۆا «وتىزدان اسىپ بارامىن» ءفيلمىن تۇسىرۋشىلەرىنە شۇيلىكتى. ول توپ مۇشەلەرىن «مەنىڭ جاۋىم» دەپ اتادى. ءانشى ولاردى ودان رۇقسات سۇراماعانى ءۇشىن سوتقا ارىز بەرەتىنىن ايتتى.
ول ءوزىنىڭ Instagram پاراقشاسىندا ۇندەۋ جاسادى. ول فيلمدە وبرازىن جاساعان جانە ءانىن شىعارعان توپتىڭ ودان رۇقسات سۇراماعىنىن ايتتى.
«وتىزدان اسىپ بارامىن» دەگەن كينو شىعىپتى. ماعان ونىڭ سىلتەمەسىن جىبەرىپ جاتىر. ول جەردە مەنىڭ دە ءرولىم بار ەكەن، بىراق مەن ويناعان جوقپىن. ماعان ەشكىم ايتقان دا، رۇقسات سۇراعان دا جوق. ويناعان اكتريسا مەن ەمەس. مەن ولاي وينامايمىن. تەك مەنىڭ داۋسىمدى العان. ونى دا مەنىڭ رۇقساتىمسىز العان. مەن ءالى ءتىرىمىن. جەر باسىپ جۇرگەن اداممىن. مەن ولاي بويانبايمىن دا، دومبىرانى جەرگە سۇيرەتىپ جۇرمەيمىن دە. ولار مەنى جامان كورسەتكىسى كەلگەن. ولار – مەنىڭ جاۋلارىم» دەدى ماقپال ءجۇنىسوۆا.
ءجۇنىسوۆا سوتتاسۋعا ۋاقىتى جوق ەكەنىن ايتىپ، توپ مۇشەلەرىنە ءوز تالابىن ايتتى.
«مەنىڭ ەشكىممەن سوتتاسىپ جۇرەتىن ۋاقىتىم جوق. ءبارىن ءبىر اللاعا تاپسىردىم. مەنىڭ ولارعا قويار تالابىم – كينوداعى مەنى سومداعان كادرلاردى الىپ تاستاسىن، الماسا، سوتتا كەزدەسەمىز» دەدى ماقپال ءجۇنىسوۆا.
”ادىرنا” ۇلتتىق پورتالى
