Halyq ártisi Maqpal Júnisova «Otyzdan asyp baramyn» fılmin túsirýshilerine shúılikti. Ol top múshelerin «meniń jaýym» dep atady. Ánshi olardy odan ruqsat suramaǵany úshin sotqa aryz beretinin aıtty.
Ol óziniń Instagram paraqshasynda úndeý jasady. Ol fılmde obrazyn jasaǵan jáne ánin shyǵarǵan toptyń odan ruqsat suramaǵynyn aıtty.
«Otyzdan asyp baramyn» degen kıno shyǵypty. Maǵan onyń siltemesin jiberip jatyr. Ol jerde meniń de rólim bar eken, biraq men oınaǵan joqpyn. Maǵan eshkim aıtqan da, ruqsat suraǵan da joq. Oınaǵan aktrısa men emes. Men olaı oınamaımyn. Tek meniń daýsymdy alǵan. Ony da meniń ruqsatymsyz alǵan. Men áli tirimin. Jer basyp júrgen adammyn. Men olaı boıanbaımyn da, dombyrany jerge súıretip júrmeımin de. Olar meni jaman kórsetkisi kelgen. Olar – meniń jaýlarym» dedi Maqpal Júnisova.
Júnisova sottasýǵa ýaqyty joq ekenin aıtyp, top múshelerine óz talabyn aıtty.
«Meniń eshkimmen sottasyp júretin ýaqytym joq. Bárin bir Allaǵa tapsyrdym. Meniń olarǵa qoıar talabym – kınodaǵy meni somdaǵan kadrlardy alyp tastasyn, almasa, sotta kezdesemiz» dedi Maqpal Júnisova.
”Adyrna” ulttyq portaly
