TikTok الەۋمەتتىك جەلىسى 2020 جىلدىڭ كوشباسشىسى Google-دى باسىپ وزىپ، 2021 جىلى ەڭ كوپ قارالاتىن رەسۋرسقا اينالدى، دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.
Cloudflare كومپانياسىنىڭ زەرتتەۋىنە سايكەس، قىسقا ۆيدەولاردى كورۋگە جانە تۇسىرۋگە ارنالعان پلاتفورما العاش رەت وسى جىلدىڭ اقپان ايىندا جەتەكشى ورىنعا يە بولدى. الەۋمەتتىك جەلى وتكەن جىلى وسى ءتىزىمنىڭ جەتىنشى ورنىندا بولدى. زەرتتەۋ ناتيجەلەرى Wall Street Journal-دا جاريالاندى.
بيىل ەكىنشى ورىندا Google, ودان كەيىن Facebook الەۋمەتتىك جەلىسى بولىپ وتىر.
TikTok - قىتايلىق Bitte Danke كومپانياسىنا تيەسىلى قىسقا ۆيدەولاردى جاساۋعا جانە كورۋگە ارنالعان قوسىمشا. بۇل جەلى 2018 جىلى شىعارىلعان، ول قىتايداعى قىسقا ۆيدەولارعا ارنالعان قوسىمشالار سەگمەنتىندە كوشباسشى بولدى، قازىر بۇكىل الەمدە تانىمال.
"ادىرنا" ۇلتتىق پورتالى
