ەلىمىزدىڭ ەڭ باستى مەرەكەسى قارساڭىندا قازاقستان ينجەنەرلىك-تەحنولوگيالىق ۋنيۆەرسيتەتىنىڭ ۇيىمداستىرۋىمەن قازاقستان رەسپۋبليكاسى تاۋەلسىزدىگىنىڭ 30 جىلدىعى مەن قازيتۋ-عا بيىل 20 جىل تولۋىنا وراي سالتاناتتى مەرەكەلىك ءىس-شارا ءوتتى. بۇل كەشكە عىلىمي-زەرتتەۋ ينستيتۋتتارىنىڭ وكىلدەرى، ۋنيۆەرسيتەت باسشىلىعى مەن ۇجىمى قاتىستى.
مەرەكەلىك كەشتىڭ اشىلۋ سالتاناتىندا قازيتۋ رەكتورى گ.ءا.سارسەنبەكوۆا ۇلتىمىزدىڭ ۇلىق مەرەكەسى تاۋەلسىزدىك كۇنىمەن قۇتتىقتاپ، سوڭعى بەس جىلدىقتا قازيتۋ-دىڭ جەتكەن جەتىستىكتەرى مەن، تولاعاي تابىسى جايلى باياندادى.
2016-2021 وقۋ جىلى ارالاعىنداعى وقۋ عيماراتتارىنىڭ جوندەۋ جۇمىستارى، جاڭا عىلىمي كىتاپحانانىڭ ىسكە قوسىلۋى، كونفەرەنتس زال، جاس عالىمدار زالى، سيرەك كەزدەسەتىن كىتاپتار قورى جانە تسيفرلاندىرىلعان كىتاپ زالى، كىشى اكت زالى جانە جاڭا عىلىمي لابوراتوريالاردىڭ پايدالانۋعا بەرىلگەنى تۋرالى، ستۋدەنتتەردىڭ الەۋمەتتەنۋىنە، شىعارماشىلىق ءوسۋىن ۇيىمداستىرۋدا جۇرگىزىلگەن شارالار جايلى، ۋنيۆەرسيتەتتىڭ دامۋ باعدارلاماسىن ىسكە اسىرۋ ماقساتىندا جۇرگىزىلگەن باستى 4 باعىت: اكادەميالىق قىزمەت; عىلىمي – يننوۆاتسيالىق قىزمەت جانە حالىقارالىق ىنتىماقتاستىق; الەۋمەتتىك - جاستار ساياساتى; قارجىلىق ، ەكونوميكالىق جانە ماتەريالدى – تەنيكالىق دامۋ بويىنشا ءبىلىم باعدارلاماسىنا ەنگىزىلگەن وزگەرىستەر جايىندا، قازيتۋ ستۋدەنتتەرىنىڭ ءبىلىم دەڭگەيى مەن رەسپۋبليكالىق سپورتتىق شارالاردا جەتكەن جەتىستىكتەرىنە توقتالدى.
ينتەرناتسيالاندىرۋ ستارتەگياسى بويىنشا جەتكەن جەتىستىكتەرگە، 50-دەن استام حالىقارالىق جوعارى وقۋ ورىندارىمەن بايلانىستاردىڭ كەڭەيگەندىگى تۋرالى اقپاراتپەن ءبولىستى. « ماڭگىلىك ەل» يدەياسى مەن « رۋحاني جاڭعىرۋ» باعدارلاماسى اياسىندا قازيتۋ قابىرعاسىندا وتكەن بارلىق ءىس-شارالار جايلى ماعۇلمات بەردى. ۋنيۆەرسيتەتتە ۇتىمدى تەحنولوگيانى پايدالانۋ ارقاسىندا ستۋدەنتتەر سانى ساندىق تا، ساپالىق تا جاعىنان بىرنەشە ەسەگە وسكەنى تۋرالى جانە قازيتۋ-داعى جاڭا جوبالار كاسىبيلىكپەن قاتار، جۇمساق داعدىلاردى قالىپتاستىرۋعا باعىتتالاتىنىن باياندادى.
كەش بارىسى بىرقاتار سالا ۇزدىكتەرى مەن ارىپتەستىك قارىم-قاتىناستا قازيتۋ-دىڭ دامۋ جولىندا ۇزدىكسىز ۇلەس قوسىپ كەلە جاتقان عىلىمي-زەرتتەۋ ينستيتۋتتارىن، قازيتۋ رەكتورى گ.ءا.سارسەنبەكوۆا العىس حاتپەن ماراپاتتادى.
ايتا كەتسەك، قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ق.ايماعامبەتوۆ اتىنان قازاقستان رەسپۋبليكاسىنىڭ ءبىلىم بەرۋ جۇيەسىن دامىتۋعا قوسقان زور ۇلەسى ءۇشىن العىس حاتپەن، قازيتۋ وقۋ جانە عىلىم جونىندەگى پرورەكتورى د.ب.اقپانبەتوۆ، «ەكونوميكا جانە قارجى» كافەدراسى، ەكونوميكا عىلىمدارىنىڭ دوكتورى، پروفەسسور م.ۆ.احمەدياروۆا، «ەسەپتەۋ تەحنيكاسى، اۆتوماتتاندىرۋ جانە تەلەكوممۋنيكاتسيا» كافەدراسى، تەحنيكا عىلىمدارىنىڭ ماگيسترى، لەكتور ا.ە.ايجانوۆانى جانە ماراپاتتالدى.
سونىمەن قاتار، قازاقستان ينجەنەرلىك – تەحنولوگيالىق ۋنيۆەرسيتەتى ءبىلىم سالاسىنىڭ قارقىندى دامۋىنا قوسىپ جاتقان ارىپتەستىك ۇلەسى ءۇشىن، قازاق ميكروبيولوگيا جانە ۆيرۋسولوگيا عىلىمي-وندىرىستىك ورتالىعى ۇجىمى، قازاق قايتا وڭدەۋ جانە تاعام ونەركاسىپتەرى عىلىمي-زەرتتەۋ ينستيتۋتى ۇجىمى، قازاق توپىراقتانۋ جانە اگروحيميا عىلىمي-زەرتتەۋ ينستيتۋتى ۇجىمى، قازاق باۋ-باقشا شارۋاشىلىعى عىلىمي-زەرتتەۋ ورتالىعى ۇجىمى، قازاق ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتى ۇجىمى مەن باسشىلىعى العىس حاتپەن ماراپاتتالدى.
وسى ورايدا قازيتۋ رەكتورى گ.ءا.سارسەنبەكوۆا قازيتۋ پرەزيدەنتى رۋسلان باقىتجانۇلى جۇماعۇلوۆتى «ەڭبەك داڭقى» III دارەجەلى توسبەلگىسىمەن، «قازاق ميكروبيولوگيا جانە ۆيرۋسولوگيا عىلىمي-وندىرىسىتىك ورتالىعى» باس ديرەكتورى، بيولوگيا عىلىمىنىڭ دوكتورى، پروفەسسور، اكادەميك، عىلىم مەن تەحنيكا سالاسى بويىنشا مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى، كورنەكتى عالىم امانكەلدى قۇربانۇلى سادانوۆتى قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى ماراپاتىمەن قۇتتىقتادى.
بيىلعى وقۋ جىلىنىڭ قورىتىندىسى بويىنشا «ۇزدىك كافەدرا» بايقاۋىنىڭ ناتيجەسىنە سۇيەنە وتىرىپ، كافەدرالار ءتۇرلى نوميناتسيالارمەن ماراپاتتالدى. ەسەپتەۋ تەحنيكاسى، اۆتوماتتاندىرۋ جانە تەلەكوممۋنيكاتسيا كافەدراسى «ەلەكتروندىق رەسۋرستار ۇزدىگى» نوميناتسياسى، تەحنولوگيا، جابدىقتار جانە ستاندارتتاۋ كافەدراسى «عىلىمي پروەكت كوشباسشىسى» نوميناتسياسى، جاراتىلىستانۋ - عىلىمي پاندەر كافەدراسى «وقۋ-ادىستەمەلىك رەسۋرستار كوشباسشىسى» نوميناتسياسى، ەكونوميكا جانە قارجى كافەدراسى «تاربيە جۇمىسىنىڭ كوشباسشىسى» نوميناتسياسى، الەۋمەتتىك-گۋمانيتارلىق پاندەر كافەدراسى «ۇزدىك حالىقارالىق كونفەرەنتسيا ۇيىمداستىرۋشىسى» نوميناتسياسىمەن ماراپاتتالدى.
سالتاناتتى كەش مەرەكەلىك باعدارلامامەن جالعاستى. ۋنيۆەرسيتەت وقىتۋشىلارى ءتۇرلى ونەر كورسەتىپ، كورەرمەن ىقىلاسىنا بولەندى.
“ادىرنا” ۇلتتىق پورتالى
