قازاقستاندىق ساياساتتانۋشى، پۋبليتسيست سۇلتانبەك سۇلتانعاليەۆ قايتىس بولدى. بۇل تۋرالى قازاقستان حالىق پارتياسىنان سايلانعان ءماجىلىس دەپۋتاتى ايقىن قوڭىروۆ مالىمدەدى دەپ حابارلايدى “ادىرنا” ۇلتتىق پورتالى.
"دوستار، ءبىزدىڭ دوسىمىز، سەرىكتەسىمىز، پارتيامىزدىڭ نەگىزىن قالاۋشىلاردىڭ ءبىرى سۇلتانبەك سۇلتانعاليەۆ دۇنيەدەن ءوتتى... ول ۇزاق ۋاقىت اۋىرىپ، العاشقى ينسۋلتتان كەيىن ايىعا المادى", - دەپ جازدى قوڭىروۆ.
باتىس قازاقستان مەملەكەتتىك ۋنيۆەرسيتەتىنىڭ تاريح جانە قۇقىق فاكۋلتەتىن بىتىرگەن. ەڭبەك جولىن مەكتەپتە تاريح ءپانىنىڭ مۇعالىمى بولىپ باستاعان. سوڭعى جىلدارى ول Rezonans.kz اقپاراتتىق-ساراپتامالىق پورتالىنىڭ باس رەداكتورى بولدى.
“ادىرنا” ۇلتتىق پورتالى
