د.ا. قوناەۆ مۋزەيى 8 ناۋرىز - حالىقارالىق ايەلدەر كۇنىنە وراي، دىنمۇحامەد احمەتۇلىنىڭ جارى زۋحرا شارىپقىزىنا ارنالعان «ايەل جاننىڭ قاناتى» اتتى فوتو كورمەنى تاماشالاۋعا شاقىرادى.
زۋھرا شارىپقىزى اقمولا وبلىسى، اتباسار قالاسىندا اۋقاتتى تاتار وتباسىندا دۇنيەگە كەلگەن. زۋحرا شارىپقىزى سول ۋاقىتتاعى تاڭداۋلى ماماندىقتاردىڭ ءبىرى - ەسەپشى-ەكونوميست ماماندىعىن مەڭگەرىپ، حالىق كوميسسارلار كەڭەسىندە ەسەپشى بولىپ جۇمىس ىستەگەن. زۋحرا شارىپقىزىنىڭ قىزىعۋشىلىعى تاڭ قالدىرارلىق كوپ قىرلى، ءارى جان-جاقتى. قازاق ادەبيەتىنەن الەم ادەبيەتىنە دەيىن، ورىس جانە شەت ەل كلاسسيكتەرىنىڭ ەڭبەكتەرىمەن تانىس بولىپ، ونىڭ ىشىندە ونەرگە قاتىستى كىتاپتاردى قۇر جىبەرمەيتىن. ون ساۋساعىنان بال تامعان، شەبەر ايەل بولعان. اعىلشىن ءتىلىن مەڭگەرگەن. دىنگە وتە قۇرمەتپەن قاراپ، اراب ەلدەرىنە بارعان ساپارىندا وزىمەن بىرگە قۇران كىتابىن الا كەلگەن.
دىنمۇحامەد احمەدۇلى زۋحرا شارىپقىزىمەن الماتىعى 1937 جىلى ءوزىنىڭ العاشقى ەڭبەك دەمالىسىنا كەلگەن ۋاقىتىندا كەزدەستى. ينستيتۋتتاعى دوسى ماسعۇد باكاەۆ ايەلىنىڭ جاقسى تانىسى – ول كەزدە فۋرمانوۆا 125 تۇراتىن، زۋحرا شارىپقىزىنا حات الىپ بارىپ بەرۋىن وتىنگەن ەكەن. وسىلاي تانىسىپ، دىنمۇحامەد احمەدۇلى قوڭىراتقا قايتقان ۋاقىتتا ەكەۋى حات الماسىپ تۇردى. 1939 جىلى دىنمۇحامەد احمەدۇلىن ريددەر قالاسىنا اۋىستىرعان كەزدە، الماتىعا قايتا ورالىپ، زۋحرا شارىپقىزىنا: «ءسىز قالاي قارايسىز، زۋحرا، ەگەر ريددەرگە بىرگە بارساق؟» – دەگەن. بۇل ۇيلەنۋگە دەگەن ۇسىنىس ەدى. ولاردا ءبىر-بىرىنە دەگەن ماڭگىلىك ماحاببات پەن قۇرمەت بولىپ، ۇزاق ۋاقىت بىرگە باقىتتى ءومىر كەشتى.
كورمەگە قوناەۆ وتباسىنىڭ ارحيۆىنەن الىنعان حالىق نازارىنا ۇسىنىلماعان، جاريالانباعان فوتوسۋرەتتەر قويىلادى.
كورمەنى ناۋرىز ايىنىڭ 5-ىنەن باستاپ، 5 ءساۋىر ارالىعىندا كورە الاسىزدار.
بارلىعىڭىزدى تاماشالاۋعا شاقىرامىز!
اقپارات الۋ ءۇشىن: 8 (727) 261-42-69. 8 707 7676 003.
kazmuseum.kz
