D.A. Qonaev mýzeıi 8 naýryz - Halyqaralyq áıelder kúnine oraı, Dinmuhamed Ahmetulynyń jary Zýhra Sháripqyzyna arnalǵan «Áıel jannyń qanaty» atty foto kórmeni tamashalaýǵa shaqyrady.
Zýhra Sháripqyzy Aqmola oblysy, Atbasar qalasynda aýqatty tatar otbasynda dúnıege kelgen. Zýhra Sháripqyzy sol ýaqyttaǵy tańdaýly mamandyqtardyń biri - esepshi-ekonomıst mamandyǵyn meńgerip, halyq komıssarlar keńesinde esepshi bolyp jumys istegen. Zýhra Sháripqyzynyń qyzyǵýshylyǵy tań qaldyrarlyq kóp qyrly, ári jan-jaqty. Qazaq ádebıetinen álem ádebıetine deıin, orys jáne shet el klassıkteriniń eńbekterimen tanys bolyp, onyń ishinde ónerge qatysty kitaptardy qur jibermeıtin. On saýsaǵynan bal tamǵan, sheber áıel bolǵan. Aǵylshyn tilin meńgergen. Dinge óte qurmetpen qarap, arab elderine barǵan saparynda ózimen birge Quran kitabyn ala kelgen.
Dinmuhamed Ahmeduly Zýhra Sháripqyzymen Almatyǵy 1937 jyly óziniń alǵashqy eńbek demalysyna kelgen ýaqytynda kezdesti. Instıtýttaǵy dosy Masǵud Bakaev áıeliniń jaqsy tanysy – ol kezde Fýrmanova 125 turatyn, Zýhra Sháripqyzyna hat alyp baryp berýin ótingen eken. Osylaı tanysyp, Dinmuhamed Ahmeduly Qońyratqa qaıtqan ýaqytta ekeýi hat almasyp turdy. 1939 jyly Dinmuhamed Ahmedulyn Rıdder qalasyna aýystyrǵan kezde, Almatyǵa qaıta oralyp, Zýhra Sharipqyzyna: «Siz qalaı qaraısyz, Zýhra, eger Rıdderge birge barsaq?» – degen. Bul úılenýge degen usynys edi. Olarda bir-birine degen máńgilik mahabbat pen qurmet bolyp, uzaq ýaqyt birge baqytty ómir keshti.
Kórmege Qonaev otbasynyń arhıvinen alynǵan halyq nazaryna usynylmaǵan, jarııalanbaǵan fotosýretter qoıylady.
Kórmeni naýryz aıynyń 5-inen bastap, 5 sáýir aralyǵynda kóre alasyzdar.
Barlyǵyńyzdy tamashalaýǵa shaqyramyz!
Aqparat alý úshin: 8 (727) 261-42-69. 8 707 7676 003.
kazmuseum.kz
