تاۋەلسىزدىك كۇنى تۋعان استانالىق 150 نارەستە سىيلىق الدى

5100
Adyrna.kz Telegram

قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي 16 جانە 17 جەلتوقساندا دۇنيەگە كەلگەن نارەستەلەرگە مەملەكەت باسشىسىنىڭ اتىنان «ءسۇيىنشى» baby-بوكستارى تابىس ەتىلدى دەپ حابارلايدى "ادىرنا" ۇلتتىق پورتالى.

ەلوردا اكىمدىگىنەن ءمالىم ەتكەندەي، نۇر-سۇلتاندا 16 جانە 17 جەلتوقسان كۇندەرى 150-دەن استام ءسابي دۇنيەگە كەلدى.

ەسكە سالايىق، «ءسۇيىنشى» سىيلىق جيناعىنا «تاۋەلسىز قازاقستانعا 30 جىل» ەستەلىك مونەتاسى، تۋ تۋرالى كۋالىك، جاس اتا-انالارعا ارنالعان اقپاراتتاندىرۋ بروشيۋرالارى، جاڭا تۋعان نارەستەگە ارنالعان ءتۇرلى كەرەك-جاراقتار مەن گيگيەنا قۇرالدارى كىرەدى. «ءسۇيىنشى» سىيلىق قوراپتارىندا سابيلەرگە ارنالعان ەڭ قاجەتتى تاۋارلار بار. وندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ اتىنان قۇتتىقتاۋ حات، ەل تاۋەلسىزدىگىنىڭ 30 جىلدىعىنا وراي شىعارىلعان ەستەلىك مونەتا جانە بالانىڭ تۋ تۋرالى كۋالىگى بەرىلگەن. پەرزەنتحانادان شىعىپ ۇلگەرگەندەرگە سىيلىقتارى «قازپوشتا» ارقىلى ۇيلەرىنە جەتكىزىلدى.

ءبىزدىڭ قىزمەتكەرلەر پەرزەنتحانالاردى ارالاپ، بوسانعان ايەلدەردەن بالانىڭ تۋ تۋرالى كۋالىگىن الۋعا تىكەلەي ءوتىنىش الدى. مالىمەتتەر اتالعان قۇجاتتاردى دايىنداۋ ءۇشىن احات ورگاندارىنا جىبەرىلدى. مەرەكە كۇندەرى حقو، احات بولىمدەرى، مەديتسينالىق مەكەمەلەر، «قازپوشتا» قىزمەتكەرلەرى وسى بوكستاردى دايىنداۋ ءۇشىن جۇمىس ىستەدى»، – دەپ حابارلادى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ نۇر-سۇلتان قالاسى بويىنشا فيليالى ديرەكتورىنىڭ ورىنباسارى سابينا تاۋان.

 

ادىرنا" ۇلتتىق پورتالى.

پىكىرلەر