ەل تاۋەلسىزدىگىنىڭ 30 جىلدىعىنا وراي «تاۋەلسىزدىك تۋرالى 100 اڭگىمە» كىتابى جارىققا شىقتى

1840
Adyrna.kz Telegram

قازاقستان تاۋەلسىزدىگىنىڭ 30 جىلدىعىنا وراي «قازاقپارات» حاا» اق ەلەكتروندى نۇسقادا «تاۋەلسىزدىك تۋرالى 100 اڭگىمە» كىتابىن شىعاردى.

قازاق، ورىس جانە اعىلشىن تىلىندەگى ەلەكتروندى كىتاپ - 1991 جىلدان باستاپ بۇگىنگى كۇنگە دەيىنگى سوڭعى ءۇش ونجىلدىقتاعى قازاقستان تاۋەلسىزدىگىنىڭ جەتىستىكتەرىمەن تىكەلەي نەمەسە جاناما بايلانىستى بىرەگەي وقيعالار الماناحى.سپيكەرلەردىڭ كوپشىلىگى تاريحي وقيعانىڭ كۋاگەرى بولا وتىرىپ، وزدەرىنىڭ جەكە ەستەلىكتەرى مەن ەموتسيالارىمەن بولىسەدى، ەل دامۋىنىڭ ءاربىر ناقتى كەزەڭىنىڭ بۇرىن بەلگىسىز بولعان بولشەكتەرىن ەسكە الادى. سونىمەن قاتار، بۇل كىتاپتا سوڭعى 30 جىل ىشىندەگى ەكونوميكالىق، قوعامدىق-ساياسي جانە مادەني پروتسەستەردى تالدايتىن سالالىق ساراپشىلاردىڭ پىكىرلەرى كەلتىرىلگەن. اڭگىمەلەردە قازاقستان رەسپۋبليكاسىنىڭ تۇڭعىش پرەزيدەنتى-ەلباسى نۇرسۇلتان ءابىشۇلى نازارباەۆتىڭ ساياساتتاعى بەينەسى ەرەكشە ورىن الادى.

— تاۋەلسىزدىكتىڭ العاشقى كۇندەرىنەن باستاپ-اق ەلباسى نۇرسۇلتان نازارباەۆ جاڭا مەملەكەتتىڭ تابىستى ءوسىپ-وركەندەۋى ءۇشىن ورنىقتى قولايلى سىرتقى جاعدايلاردىڭ اۋاداي قاجەت ەكەنىن تۇسىنگەن بولاتىن. ونىڭ ايرىقشا سىرتقى ساياسي بەلسەندىلىگى، ينتەگراتسيالىق جانە بىتىمگەرلىك كۇش-جىگەرى ناق وسىعان نەگىزدەلگەن. ءبىزدىڭ ەلىمىزدىڭ ايتارلىقتاي كۇردەلى گەوساياسي جاعدايىنا قاراي وتىرىپ، ول ءوزىنىڭ سىرتقى ساياساتىنىڭ بىردەن-ءبىر دۇرىس ستراتەگياسىن تاڭدادى. بۇل ءاردايىم مانەۆر جاساۋ ەركىندىگىن، مىڭ قۇبىلىپ جاتقان الەمنىڭ كۇتپەگەن سىن-قاتەرلەرىنە بارابار جانە دەر كەزىندە جاۋاپ بەرۋ مۇمكىندىگىن بەرەتىن كوپ ۆەكتورلى جانە تسەنتريزم ستراتەگياسى ەدى. مەن ونىڭ ۇلى دەرجاۆالاردىڭ، باسقا دا ەلدەردىڭ كورولدەرىمەن، پرەزيدەنتتەرىمەن جانە پرەمەر-مينيسترلەرىمەن، اسا ءىرى حالىقارالىق ۇيىمداردىڭ باسشىلارىمەن كەزدەسۋلەرىنە، كەلىسسوزدەرىنە قاتىسۋ باقىتىنا يە بولدىم. كوپتەگەن الەمدىك كوشباسشىلاردى نۇرسۇلتان ءابىشۇلىنىڭ ءوزىن ارىپتەسىمەن تەڭ دە لايىقتى ۇستاۋ مادەنيەتى، ىشكى ەنەرگەتيكاسى، جوعارى ينتەللەكتىسى مەن تەرەڭ ەرۋديتسياسى ءاردايىم تاڭ قالدىرىپ، سۇيسىندىرەتىن، — دەيدى مەملەكەت قايراتكەرى، ديپلومات قانات ساۋداباەۆ.

 

 

پىكىرلەر