اقتاۋدا "Florence" تۇرعىن ءۇي كەشەنىنىڭ شاتىرى ورتەنىپ، وتقا ورانعان تۇرعىن ءۇي كەشەنىنەن 50 ادام ەۆاكۋاتسيالاندى، دەپ حابارلايدى "ادىرنا" ۇلتتىق پورتالى.
ماڭعىستاۋ وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى بولعان ورتكە قاتىستى تۇسىنىكتەمە بەردى.
"زارداپ شەككەندەر مەن قازا تاپقاندار جوق. قازىر وقيعا ورنىندا ءورت سوندىرۋشىلەر جۇمىس جاساۋدا. تولىق مالىمەتتەر كەيىنىرەك بەرىلەدى", - دەدى دەپارتامەنت.
وبلىستىق پوليتسيا دەپارتامەنتىنىڭ حابارلاۋىنشا، ءورت سوندىرۋگە 50 پوليتسيا قىزمەتكەرى، ۇلتتىق ۇلاننىڭ 50 جاۋىنگەرى، 10 اۆتوپاترۋل، ءتورت ەۆاكۋاتور جانە ءبىر مانيپۋلياتور جۇمىلدىرىلعان.
"ادىرنا" ۇلتتىق پورتالى.
