ۋفادا وتكەن حالىقارالىق بيزنەس اپتالىعىندا قازاقستان مەن باشقۇرتستان ۇكىمەتىنىڭ وكىلدەرى قۇرامىندا باشقۇرت سودا كومپانياسى (بسك) مەن «كاۋستيك پاۆلودار» جاۋاپكەرشىلىگى شەكتەۋلى سەرىكتەستىگى كىرەتىن حيميالىق كونسورتسيۋم قۇرۋ تۋرالى كەلىستى دەپ حابارلايدى «ادىرنا» ۇلتتىق پورتالى «orda.kz»-كە سىلتەمە جاساپ.
ينۆەستيتسيالاردىڭ بولجامدى كولەمى — 1 ملرد دوللار.
قر پرەمەر-ءمينيسترى اسقار ءماميننىڭ ايتۋىنشا، بىرلەسكەن كاسىپورىن تمد-داعى تسيركوني وكسيحلوريدىنىڭ جالعىز ءوندىرۋشىسى بولادى.
— بۇل جوبالاردىڭ ءونىمدى وتكىزۋ جانە ەكسپورتتاۋ تۇرعىسىنان كەلەشەگى وتە زور، نارىق ءىس جۇزىندە اشىق، – دەدى قر پرەمەر-ءمينيسترى.
تسيركوني وكسيحلوريدىنەن باسقا زاۋىت كۇيدىرگىش سودا، ناتري گيدروحلوريدى جانە تيتان ديوكسيدىن شىعاراتىن بولادى. بولاشاق بىرلەسكەن كاسىپورىننىڭ نەگىزگى ءوندىرىسى «پاۆلودار» ارنايى ەكونوميكالىق ايماعىندا ورنالاسادى.
زاۋىت رەسەيلىك جانە قازاقستاندىق كاسىپورىنداردىڭ يمپورتقا تاۋەلدىلىگىن ازايتىپ قانا قويماي، ەكسپورتقا باعىتتالعان ونىمدەردى كەشەندى وڭدەۋ مەن ءوندىرۋدى جولعا قويۋعا، سونداي-اق ەۋروپا مەن اقش-تان تيتان ديوكسيدى، قىتاي مەن جاپونيانىڭ تسيركوني وكسيحلوريدى يمپورتىنان باس تارتۋعا مۇمكىندىك بەرەتىن حيميا ونىمدەرىن شىعاراتىن بولادى.
تاسس اتاپ وتكەندەي، حيميالىق كونسورتسيۋم قۇرۋ «كاۋستيك پاۆلودار» بسك-عا قوسۋ ارقىلى جۇزەگە اسۋى ابدەن مۇمكىن. سونىڭ ارقاسىندا 1,2 مىڭنان استام جۇمىس ورنى اشىلادى دەپ جوسپارلانۋدا.
«ادىرنا» ۇلتتىق پورتالى.
