تانىمال رەسەيلىك تەلەجۇرگىزۋشى اندرەي مالاحوۆ قازاقستاننىڭ حالىق ءارتىسى بيبىگۇل تولەگەنوۆانى تۋعان كۇنىمەن قۇتتىقتادى، دەپ حابارلايدى «ادىرنا» ءتىلشىسى.
« قۇرمەتتى بيبىگۇل احمەتقىزى! «پريۆەت، اندرەي» باعدارلاماسىنىڭ ستۋدياسى جانە رەسەيدىڭ بارلىق كورەرمەنى ءسىزدى تۋعان كۇنىڭىزبەن قۇتتىقتايدى. وزىڭىزگە دەنساۋلىق، ساتتىلىك، تابىس تىلەيمىز. ءبىز ءسىزدى وتە جاقسى كورەمىز جانە باعالايمىز. ەسىڭىزدە بولسىن، ءسىز قازاقستاننىڭ عانا ەمەس، رەسەيدىڭ دە جاۋھارىسىز. سوندىقتان ءبىزدى ارقاشان اندەرىڭىزبەن قۋانتىپ ءجۇرىڭىز»،– دەدى ول.
ەسكە سالا كەتەيىك، كەڭەستىك جانە قازاقستاندىق وپەرا ءانشىسى بيبىگۇل تولەگەنوۆا 16 جەلتوقساندا 92 جاسقا تولدى.
«ادىرنا» ۇلتتىق پورتالى
