Tanymal reseılik telejúrgizýshi Andreı Malahov Qazaqstannyń Halyq ártisi Bıbigúl Tólegenovany týǵan kúnimen quttyqtady, dep habarlaıdy «Adyrna» tilshisi.
« Qurmetti Bıbigúl Ahmetqyzy! «Prıvet, Andreı» baǵdarlamasynyń stýdııasy jáne Reseıdiń barlyq kórermeni sizdi týǵan kúnińizben quttyqtaıdy. Ózińizge densaýlyq, sáttilik, tabys tileımiz. Biz sizdi óte jaqsy kóremiz jáne baǵalaımyz. Esińizde bolsyn, siz Qazaqstannyń ǵana emes, Reseıdiń de jaýharysyz. Sondyqtan bizdi árqashan ánderińizben qýantyp júrińiz»,– dedi ol.
Eske sala keteıik, Keńestik jáne qazaqstandyq opera ánshisi Bıbigúl Tólegenova 16 jeltoqsanda 92 jasqa toldy.
«Adyrna» ulttyq portaly
