ماسكەۋدىڭ سولتۇستىگىندەگى جەكە ستوماتولوگيالىق كلينيكادا بەلگىسىز ادام وزبەكستاننان كەلگەن دارىگەرگە پىشاقپەن شابۋىل جاساپ، ونىڭ اسقازانىنا پىشاق جاراقاتىن تيگىزدى، دەپ حابارلايدى «ادىرنا» ءتىلشىسى.
باق-تىڭ حابارلاۋىنشا، دارىگەرگە شابۋىل جاساعان ەر ادام – تانىمال كينو پروديۋسەر. ول ءوز ەركىمەن پوليتسيا بولىمىنە بارىپ، ءتىس ەمدەۋ ناتيجەسىن ۇناتپاعانىن ايتقان.
ايتا كەتەيىك، وزبەكستاننىڭ ءتىس دارىگەرىنە جاسالعان شابۋىلدان كەيىن رەسەيدىڭ ماسكەۋ قالاسىنداعى تەرگەۋ كوميتەتى رەسەي فەدەراتسياسىنىڭ قىلمىستىق كودەكسىنىڭ "كىسى ولتىرۋگە وقتالۋ" بابى بويىنشا قىلمىستىق ءىس قوزعادى.
«ادىرنا» ۇلتتىق پورتالى
