تاۋەلسىزدىك كۇنى قارساڭىندا قوعامدىق كەڭەس مۇشەلەرىنە مەرەيتويلىق مەدال تاپسىرىلدى

1281
Adyrna.kz Telegram

تاۋەلسىزدىك كۇنى قارساڭىندا الماتىنىڭ قوعامدىق كەڭەس مۇشەلەرىنە مەرەيتويلىق مەدال تاپسىرىلدى، دەپ حابارلايدى قازاقپارات.

قالا اكىمىنىڭ ورىنباسارى ەردان باباقۇماروۆ قوعامدىق كەڭەس مۇشەلەرىن قازاقستان رەسپۋبليكاسى مەن الماتى قالاسىنىڭ مەملەكەتتىلىگىن قالىپتاستىرۋعا، ەگەمەندىگىن نىعايتۋعا جانە الەۋمەتتىك-ەكونوميكالىق دامۋىنا قوسقان ەلەۋلى ۇلەسى ءۇشىن «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالىمەن ماراپاتتادى.

«الماتى اكىمى باقىتجان ساعىنتاەۆتىڭ اتىنان قالانىڭ تىنىس-تىرشىلىگىنىڭ الەۋمەتتىك ماڭىزدى ماسەلەلەرىن شەشۋگە قوسقان ۇلەستەرىڭىز بەن بىرلەسكەن جۇمىس ءۇشىن العىس ايتامىن. ءبىز قالا تۇرعىندارىنىڭ يگىلىگى ءۇشىن ساليقالى ىنتىماقتاستىقتى ودان ءارى جالعاستىراتىنىمىزعا سەنىمدىمىن»، - دەيدى ەرجان باباقۇماروۆ.

 

پىكىرلەر