قارۋلى ادامدار ليۆيا پرەزيدەنتى سارايىن باسىپ الىپ، تريپوليدەگى ۇكىمەت پەن قورعانىس مينيسترلىگى عيماراتىن قورشاپ الدى، دەپ حابارلايدى "ادىرنا" ۇلتتىق پورتالى "Sky News Arabia"-عا سىلتەمە جاساپ.
باسىلىم ەلدەگى پرەزيدەنتتىك كەڭەستىڭ توراعاسى مەن مۇشەلەرى اسكەريلەر باسىپ كىرمەس بۇرىن قاۋىپسىز جەرگە ەۆاكۋاتسيالانعانىن حابارلايدى.
قارۋلى باسقىنشىلاردىڭ يەلىگى تۋرالى ەشتەڭە ايتىلماعان، اگەنتتىك ولاردى «اس-سامۋد بريگاداسى باتالونىنىڭ ادامدارى» دەپ اتايدى.
اسكەريلەر «ليۆيادا پرەزيدەنتتىك سايلاۋ بولمايتىنىن» ايتىپ، تريپوليدەگى بارلىق مەملەكەتتىك كەڭسەلەردى جابامىز دەپ قورقىتتى.
قارۋلى حالىق باسقا دا ماڭىزدى ينفراقۇرىلىم نىساندارىن باسىپ الا باستادى. بولىپ جاتقان جاعداي بارىسىندا ءتريپوليدىڭ بىرقاتار اۋداندارى جارىقسىز قالدى.
24 جەلتوقساندا ليۆيادا پرەزيدەنت سايلاۋى باستالۋى كەرەك ەدى. دەگەنمەن بيلىككە تالاسۋشىلار كوبەيىپ، سايلاۋ شەگەرىلىپ كەلەدى. ولاردىڭ اراسىندا قازىرگى بيلىككە قارسى شىققان ارميانىڭ قولباسشىسى كاددافيدىڭ ۇلى گەنەرال حاليفا حافتار دا بار، ول دا ەل پرەزيدەنتى بولعىسى كەلەدى.
