Qarýly adamdar Lıvııa Prezıdenti saraıyn basyp alyp, Trıpolıdegi úkimet pen qorǵanys mınıstrligi ǵımaratyn qorshap aldy, dep habarlaıdy "Adyrna" ulttyq portaly "Sky News Arabia"-ǵa silteme jasap.
Basylym eldegi Prezıdenttik keńestiń tóraǵasy men músheleri áskerıler basyp kirmes buryn qaýipsiz jerge evakýaııalanǵanyn habarlaıdy.
Qarýly basqynshylardyń ıeligi týraly eshteńe aıtylmaǵan, agenttik olardy «As-Samýd brıgadasy batalonynyń adamdary» dep ataıdy.
Áskerıler «Lıvııada prezıdenttik saılaý bolmaıtynyn» aıtyp, Trıpolıdegi barlyq memlekettik keńselerdi jabamyz dep qorqytty.
Qarýly halyq basqa da mańyzdy ınfraqurylym nysandaryn basyp ala bastady. Bolyp jatqan jaǵdaı barysynda Trıpolıdiń birqatar aýdandary jaryqsyz qaldy.
24 jeltoqsanda Lıvııada prezıdent saılaýy bastalýy kerek edi. Degenmen bılikke talasýshylar kóbeıip, saılaý shegerilip keledi. Olardyń arasynda qazirgi bılikke qarsy shyqqan armııanyń qolbasshysy Kaddafıdiń uly general Halıfa Haftar da bar, ol da el prezıdenti bolǵysy keledi.
