حالىقارالىق تۇركى مادەنيەتى ىنتىماقتاستىعى ۇيىمى ن.ۆ.گوگول اتىنداعى قاراعاندى وبلىستىق امبەباپ عىلىمي كىتاپحاناسىنا وسى ۋاقىتقا دەيىن شىعارىلعان كىتاپتارىن سىيعا تارتتى.
ولاردىڭ اراسىندا "اباي", ء"ۇش ارىس", "شىڭعىس ايتماتوۆ", "ولجاس سۇلەيمەنوۆ" ارت-البومدارى، جامبىل جاباەۆ، مۇقاعالي ماقاتاەۆ جانە ت.ب. اقىندارىمىزدىڭ تۋىندىلارى بار. سونداي-اق ءتۇبى ءبىر تۇركى ەلدەرىنىڭ وزگە مەملەكەتتەرىنىڭ تاريحى جايىندا كىتاپتار تارتۋ ەتىلدى.
شارا تاۋەلسىزدىكتىڭ 30 جىلدىعىنا ورايلاستىرىلدى. سالتاناتتى جيىنعا تۇركسوي ۇيىمىنىڭ باس حاتشىسى دۇيسەن قاسەيىنوۆ، قاراعاندى وبلىسىنىڭ جانە قالالىق اكىمشىلىكتىڭ وكىلدەرى، زيالى قاۋىم مەن جۋرناليستەر قاتىستى.
جيىندا ءسوز العان تۇركسوي باس حاتشىسى دۇيسەن قاسەيىنوۆ:
"تاۋەلسىزدىك جىلدارى حالىقارالىق تۇركسوي ۇيىمى ادەبيەت سالاسىندا ۇلكەن جۇمىستار اتقاردى. وسى ۋاقىتقا دەيىن تۇركى الەمىنىڭ 150-دەن استام كىتابىن شىعاردىق. ولاردىڭ اراسىندا قازاقستانعا قاتىستى تۋىندىلار بارشىلىق.
بيىل مۇقاعالي ماقاتاەۆتىڭ 90 جىلدىعىنا وراي ءبىز اقىننىڭ شىعارمالارىن 7 تىلگە اۋداردىپ، ارنايى كىتاپ رەتىندە باسىپ شىعاردىق. تۇركيانىڭ انكارا، كاستامونۋ قالالارىندا اقىنىمىزدىڭ ۇرپاقتارىن ارنايى شاقىرىپ تۇساۋكەسەر ءراسىمىن جاسادىق. جامبىل اتامىزدىڭ 175 جىلدىعىنا وراي جامبىل جاباەۆ تاڭدامالى شىعارمالارىنىڭ تۇرىك تىلىنە اۋدارىلعان كىتابىن باسىپ شىعاردىق",-دەدى.
ايتا كەتۋ كەرەك تۇركسوي ۇيىمى بۇعان دەيىن ءوز كىتاپتارىن الماتى قالاسىنىڭ كىتاپحانالارىنا تارتۋ ەتكەن بولاتىن.
“ادىرنا” ۇلتتىق پورتالى
