بۇگىن – ءانشى، كسرو جانە قازاقستان حالىق ءارتىسى، قازاقستاننىڭ ەڭبەك سىڭىرگەن ءارتىسى، كسرو جانە قازاقستان مەملەكەتتىك سىيلىعىنىڭ لاۋرەاتى، سوتسياليستىك ەڭبەك ەرى بيبىگۇل تولەگەنوۆانىڭ تۋعان كۇنى، دەپ حابارلايدى “ادىرنا” ۇلتتىق پورتالى.
بيبىگۇل تولەگەنوۆا حالقىن اسەم انىمەن دە، سۇلۋ سانىمەن دە قاشاندا قۋانتۋمەن كەلە جاتقان تۇلعا. الەمدىك دەڭگەيدەگى وپەرا جۇلدىزى ءوزىنىڭ ونەردەگى اسا جوعارى جەتىستىكتەرى ءۇشىن عانا ەمەس، حالىق اراسىندا ۇلكەن سۇيىسپەنشىلىككە يە بولعاندىقتان دا حالىق ءارتىسى اتانعان جان.
بيبىگۇل احمەتقىزىن الەمنىڭ ونەرسۇيەر قاۋىمى ارقاشان قۇشاق جايا قارسى الادى. ونىڭ اندەرىنە نيۋ-يوركتىڭ، لوندوننىڭ، ءپاريجدىڭ، ءريمنىڭ، افينىنىڭ، توكيونىڭ، سەۋلدىڭ، كاير مەن باسقا دا الەمنىڭ ءىرى قالالارىنىڭ ايتۋلى كونتسەرت زالدارىنا جينالعان جۇرت تامسانا قول سوققان.
حالىق ءارتىسى الەمنىڭ ەڭ ۇزدىك وركەسترلەرىمەن: وسيپوۆ اتىنداعى ورىس ۇلتتىق اكادەميالىق ۇلت اسپاپتار وركەسترى، چايكوۆسكي اتىنداعى ۇلكەن سيمفونيالىق وركەسترى، پرينتس ۋەلسكيدىڭ (ۇلىبريتانيا) كامەرالىق وركەسترىمەن بىرگە ءان سالعان.
بيبىگۇل تولەگەنوۆا يۋنەسكو-نىڭ شەشىمى بويىنشا XX عاسىردىڭ ۇلى جيىرما ايەلدەرىنىڭ قاتارىنا ەنگەن ونەرپاز.
ءبىزدىڭ انىقتاما:
بيبىگۇل تولەگەنوۆا – 1929 جىلى 16 جەلتوقساندا سەمەي قالاسىندا دۇنيەگە كەلگەن.
”ادىرنا” ۇلتتىق پورتالى
