مەدال، اتاق الىپ جاتقان قازاقتارمەن جارىسىپ تۇرمەدەگى الەكسەي ناۆالنىي دا ادام قۇقىعى جونىندەگى "ساحاروۆ" سىيلىعىنا يە بولدى.
ناۆالنىيدىڭ 20 جاسار قىزى داريا اكەسىنە بەرىلگەن سىيلىقتى الىپ تۇرىپ بۇگىن ستراسبۋرگۋتە، ەۋروپا پارلامەنتىندە باتىستىڭ ساياساتىن سوكتى.
«ادام قۇقىعىن اياققا تاپتاپ جاتقان ەلدەرمەن ەشتەڭە بولماعانداي ارالاس-قۇرالاس جۇرە بەرەسىڭدەر» دەپ ايىپتادى.
«ەكىجۇزدىلەرىڭ دە، جەمقورلارىڭ دا بار» دەدى.
ول: «رەسەي وپپوزيتسياسى جەتەكشىلەرىنىڭ ءبىرى بوريس نەمتسوۆ كرەملدىڭ جانىندا ارقاسىنا وق ءتيىپ ءولدى. وسى ساتتە پراگماتيك كەلىپ «بۇعان ەشتەڭە ىستەي المايمىز، سىناپ مالىمدەمە جاسايىق تا ديالوگتى جالعاستىرا بەرەيىك» دەيدى.
ال ولار بەرليننىڭ ورتاسىندا ەكىنشىسىن، ءۇشىنشىسىن، ءتورتىنشىسىن، ۇلىبريتانيادا بەسىنشىسىن ولتىرەدى. سوسىن ەۋروپادا جانە ءبىر قويمانى جارىپ جىبەرەدى.
كەيىن حيميالىق قارۋ قولدانىپ قىرا باستايدى. قازىر كەيبىر قاستاندىقتىڭ ءساتسىز بولعانىن بىلەمىز. ال قانشاسى جۇزەگە استى؟» دەپ ساۋال قويدى.
سۋرەت Deutsche Welle سايتىنان الىندى.
نۇربەك ءتۇسىپحان
”ادىرنا” ۇلتتىق پورتالى
