تاۋەلسىزدىكتىڭ 30 جىلدىعىنا وراي 50 ورىنعا ارنالعان وڭالتۋ ورتالىعىن الماتى وبلىسى اكىمىنىڭ ورىنباسارى بايجۇمانوۆ باتىرجان قۇلايمەرگەنۇلى مەن «قاپشاعاي سامعا» مۇگەدەكتەر بىرلەستىگىنىڭ باسشىسى ابدۋللاەۆ مارات بەكەنۇلى اشىق اسپانىمىزدا ەركىن جەلبىرەگەن كوك تۋىمىز تۇستەس لەنتانى قيىپ، سالتاناتتى تۇردە اشتى. بۇدان كەيىن باتىرجان قۇلايمەرگەنۇلى، قالا اكىمى نۇرلان ورىنباسارۇلى جانە مارات بەكەنۇلى وزدەرىنىڭ جۇرەك جاردى لەبىزدەرىن ءبىلدىرىپ، بارلىعىن مەرەيلى مەرەكەمەن قۇتتىقتادى. يگى ءىستىڭ قۋانىشىنا ورتاقتاسقان قالىڭ قاۋىمعا شاشۋ شاشىلىپ، قۋانىش تىلەكتەر دە ايتىلدى. بۇگىنگى ءسان سالتاناتىمەن اشىلعان زاماناۋي ادىسپەن سالىنعان عيمارات قاجەتتى تالاپقا ساي قۇرال-جابدىقتارمەن قامتىلعان، كەرەكتى دەگەن تۇز كەشەنى، فيزيوتەراپيا، سىلاپ-سيپاۋ، دەنەشىنىقتىرۋ، فيتو بوشكەسى، زەرتحانا ورتالىعى، تىرەك قيمىل قوزعالىسىنا ارنالعان بولمەسى، جاتىن جانە جۋىنۋ سەكىلدى 25 بولمە قاراستىرىلعان.
مۇندا نەگىزىنەن ءارتۇرلى جۇيەلەرى مەن تىرەك –قيمىل اپپاراتىنىڭ فۋنكتسيونالدىق مۇمكىندىكتەرىن تولىق قالپىنا كەلتىرۋ، ونىمەن قوسا كۇندەلىكتى ءومىر مەن ەڭبەك جاعدايلارىنا كومپەنساتورلىق بەيىمدەلۋدى دامىتۋ قىزمەتتەرى كورسەتىلەدى. ورتالىقتا كارديولوگ، نەۆراپوتولوگ، تراۆماتولوگ، ديابەتولوگ سىندى دارىگەرلەر مەن كىشى مەديتسينا قىزمەتكەرلەرى، ياعني 21 ادام جۇمىس جاسايدى. ونىمەن قوسا، ەمدەلۋشىلەر بۇل جەرگە ارنايى Covid-19 ساراپتاماسىنان ءوتىپ، سىناماسى تازا شىققاندار قابىلدانادى. سونداي-اق، وڭالتۋ ورنىندا تۇرعىندارعا 4 ۋاقىت اس بەرىلەدى. قاپشاعاي ارناۋلى الەۋمەتتىك قىزمەت كورسەتۋ ورتالىعى جانىنان اشىلعان ورىندى كەڭەيتۋ وي الىنعان. بولاشاقتا جىلىنا مىڭ ادامعا دەيىن جەتكىزۋ كوزدەلگەن. نىسان اۋماعى 964 م/2 الادى. جالپى قاپشاعايدا 1453 مۇمكىندىگى شەكتەۋلى جان بار.
"ادىرنا" ۇلتتىق پورتالى
