اقسۋ اۋدانىندا 30 جانۇيا قونىس تويىن تويلادى

908

قاسيەتتى ەلدىڭ قاستەرى ازاتتىقتىڭ اق تاڭىن كورگەنىنە 30 جىل تولۋدا. ۇل دالانى دۇبىرگە بولەگەن بۇل مەرەكەنىڭ ورنى ەرەك. بابالار اڭساعان ەركىندىككە قول جەتكىزگەن قازاقستاننىڭ ءار قيىرى كۇن سايىن كەرەگە جايىپ، دامۋ ۇستىندە. ونىڭ دالەلى، ارىندى اقسۋ جەرىندەگى 30 جىلدىققا 30 جەكە تۇرعىن ءۇيدىڭ باسپاناعا مۇقتاج وتباسىلارعا تابىستالۋى.

جالپى قۇنى-503,913 ملن.تەڭگە بولاتىن بۇل ۇيلەر، تۇرعىن ءۇي كەزەگىندە تۇرعاندارعا ۇزاق مەرزىمگە جالعا الۋ قۇقىعىمەن بەرىلىپ وتىر.
دەگەنمەن، بۇل دا زور قۋانىش. پاتەردەن-پاتەرگە كوشكەن جاننىڭ جانىنا ءبىر دەمەۋ.
باسپانانىڭ كىلتىن، اۋدان اكىمى ەسىم بازارحانوۆ تابىستادى.
ول ءوزىنىڭ قۇتتىقتاۋ سوزىندە بۇنىڭ ءبارى تاۋەلسىزدىڭتىڭ ءتاتتى جەمىسى ءارى تۇرعىنداردىڭ قامى ءۇشىن جاسالىنىپ جاتقان يگى ءىس دەدى.


مىنە، بۇگىن مەرەيلى مەرەكەنىڭ قۇرمەتىنە 30 جەكە تۇرعىن ءۇيدىڭ كىلتىن تابىستاماقپىز. وڭىردە تۇرعىنداردى باسپانامەن قامتاماسىز ەتۋ ماسەلەسى ەرەكشە نازاردا.​ مەملەكەت باسشىسىنىڭ باستاماسىمەن قولعا الىنعان  «نۇرلى جەر» باعدارلاماسى اقسۋ اۋدانىندا دا ويداعىداي جۇزەگە اسىرىلۋدا. مۇنىڭ ءبارى تۇرعىنداردىڭ مۇددەسى ءۇشىن. بۇل باعىتتا اۋداندا قىرۋار شارۋا اتقارىلدى. بۇگىن بىرنەشە جىلدان بەرى كەزەكتە تۇرعان جەرلەستەرىمىز باسپانالى بولىپ، تۇرمىس جاعدايىن جاقسارتىپ، ۇلكەن قۋانىشقا بولەنۋدە.  قونىس تويلارىڭىز قۇتتى بولسىن. تاۋەلسىزدىگىمىز تۇعىرلى، بىرلىگىمىز بەكەم بولعاي!",-دەدى ەسىم بازارحانوۆ.
اق تۇيەنىڭ قارنى جارىلعان كۇنى، اۋدان بويىنشا، 3 جەتىم بالا، 6 كوپبالالى انا، 3 اپاتتى جاعدايداعى ءۇي يەلەرى، 6 بيۋدجەت قىزمەتكەرلەرى مەن 12 حالىقتىڭ الەۋمەتتىك جاعىنان وسال توپتارى كوپتەن قونىس تويىن تويلادى.

سولاردىڭ ءبىرى كوپ بالالى انا ايتكاليەۆا دينارا.
"تاۋەلسىزدىك كۇنى قارساڭىندا وسىنداي ءۇيلى بولىپ وتىرمىن. قۋانىشىمدا شەك جوق. پرەزيدەنتىمىزگە، وبلىس جانە اۋدان باسشىلىعىنا العىسىم شەكسىز. ەندى ءوز ءۇيىمىز ەسەبىندە ەمىن-ەركىن جۇرەتىن بولدىق. قازىرگى سەزىمىمدى سوزبەن ايتىپ جەتكىزە المايمىن",- دەيدى كوپ بالالى انا.

ايتا كەتەيىك، تۇرعىن ۇيلەرگە ينجەنەرلىك جانە كوممۋنيكاتسيالىق جەلىلەردە تارتىلىپ، اۋماعى اباتتاندىرىلعان. بۇل جۇمىستارعا جالپى سوماسى-287,246 ملن.تەڭگەنى قۇرايدى. باسپاناڭ بابىن كەلىستىرىپ، قۇرىلىس جۇمىستارىن سوڭىنا دەيىن جەتكىزگەن مەردىگەر كومپانيا-"نۇر-قۇرىلىس بولاشاق" جشس.

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket