كحدر نەگىزىن قالاۋشى جانە ءبىرىنشى كوشباسشىسى كيم ير سەننىڭ ءىنىسى كيم يون چجۋ 101 جاسىندا قايتىس بولدى. بۇل تۋرالى 15 جەلتوقساندا يونحاپ اگەنتتىگى سولتۇستىككورەيالىق باق-قا سىلتەمە جاساپ مالىمدەدى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، ەلدىڭ قازىرگى باسشىسى كيم چەن ىن 14 جەلتوقساندا گۇل شوقتارىن جولداپ، كوڭىل ايتتى. اقپارات ۋاقىتى تۋرالى دەرەك جوق.
كيم يون چجۋ 1920 جىلى دۇنيەگە كەلگەن، كيم ير سەن بيلىككە كەلگەننەن كەيىن بىرقاتار باسشىلىق قىزمەتتەردى اتقارعان. اتاپ ايتقاندا، ول كورەيانىڭ جۇمىسشى پارتياسىنىڭ ىقپالدى ۇيىمداستىرۋ ءبولىمىن باسقاردى، بىراق 1973 جىلى ونىڭ ورنىنا كيم ير سەننىڭ ۇلى كيم چەن ير كەلدى. 1993 جىلى كيم يون چجۋ ساياساتقا قايتا ورالىپ، ساياسي بيۋرونىڭ مۇشەسى بولدى، ال 1998 جىلدان باستاپ جوعارعى حالىق جينالىسى (پارلامەنت) تۇراقتى كوميتەتى توراعاسىنىڭ قۇرمەتتى ورىنباسارىنىڭ قىزمەتىن اتقاردى.
«ماڭىزدى پارتيالىق جانە ۇكىمەتتىك قىزمەتتەردى اتقارعان كيم يون چجۋ ەڭبەك پارتياسىنىڭ باعىتىن جۇزەگە اسىرۋ ءۇشىن جانقيارلىقپەن كۇرەسىپ، سوتسياليستىك قۇرىلىستى جەدەلدەتۋ مەن كورەي ۇلگىسىندەگى الەۋمەتتىك جۇيەنى دامىتۋعا ۇلەس قوستى»، - دەپ كەلتىرەدى يونحاپ.
"ادىرنا" ۇلتتىق پورتالى
