قر تاۋەلسىزدىگىنىڭ 30 جىلدىعىنا وراي شىمكەنت قالاسى ىشكى ساياسات جانە جاستار ىستەرى جونىندەگى باسقارماسى جاستار رەسۋرستىق ورتالىعىنىڭ ۇيىمداستىرۋىمەن «جەلتوقسان جاڭعىرىعى» پاتريوتتىق الەۋمەتتىك جوباسى اياسىندا 1986 جىلعى جەلتوقسان قاتىسۋشىلارىنا ارنالعان پاتريوتتىق اندەر بايقاۋى ءوتتى.
ماقساتى جاس ۇرپاقتى قازاقستاندىق وتانسۇيگىشتىككە تاربيەلەۋ جانە پاتريوتتىق شىعارمالاردىڭ وتاندىق اۆتورلارىنا اتاۋلى قولداۋ كورسەتۋ، رەپەرتۋاردى پاتريوتتىق تاقىرىپتاعى جاڭا مۋزىكالىق شىعارمالارمەن تولىقتىرۋ، قازاقستاندىق ءان تۋىندىلارىنىڭ باسەكەلەستىك الەۋەتىن ارتتىرۋ بولىپ تابىلادى.
شىمكەنت قالاسىنىڭ 16-29 جاس ارالىعىنداعى 15 جاس تالانتتارى باقتارىن سىناعان بايقاۋ 2 كەزەڭنەن تۇرىپ، ءبىرىنشى كەزەڭدە قاتىسۋشىلار پاتريوتتىق ءان ورىنداسا، ال ەكىنشى كەزەڭدە ەركىن تاقىرىپتا ءان ورىندادى.
جەڭىمپازداردى انىقتاۋ ءۇشىن شىمكەنت قالالىق مادەنيەت ءۇيىنىڭ ارتىستەرى ءو. ءبورىحانوۆ، ءا. ماۋكەنوۆا جانە ح-فاكتور جوباسىنىڭ جەڭىمپازى ا. قارعاباي ءادىل-قازىلىق جاساپ، ناتيجەسى بويىنشا جۇلدەلى 1 ورىندى - وراز نىشانباەۆ پەن فارحاد باقىتۇلى، 2 ورىندى – ساز كوللەدجىنىڭ ستۋدەنتى پاۆەل كيم قانجىعاسىنا بايلاپ، ال 3 ورىندى - جاندوس اشىربەك يەلەندى.
جەڭىمپازدارعا باعالى سىيلىقتار مەن ۇيىمداستىرۋ تاراپىنان ديپلومدار جانە قاتىسۋشىلارعا ارناپ ارنايى العىس حاتتار تابىستادى.
