استانالىق دارىگەر الەۋمەتتىك جاعدايى ناشار، تولىق ەمەس وتباسىندا تاربيەلەنىپ جاتقان بالالارعا جاقسىلىق جاساپ ءجۇر. ول مەملەكەتتەن بەرىلەتىن تەگىن وتانى كۇتۋگە دەنساۋلىعى شىدامايتىن بالالارعا جىلدام ءارى تەگىن قاجەتتى وتانى جاساپ بەرەدى،دەپ جازدى Stan.kz
«قىمباتتى ارىپتەستەر! ءبارىمىز دە ازقامتىلعان وتباسىنداعى ناۋقاس بالالاردىڭ تەگىن وتانى الۋدا قيىندىقتارعا تاپ بولاتىنىن جاقسى بىلەمىز، اسىرەسە اتا-اناسى جوق بالالار. بۇل جاعدايعا مينيسترلىك كىنالى ەمەس، قارجىلاندىرۋ ماسەلەلەرى بار.
وسىعان بايلانىستى مەديتسينا سالاسىنىڭ ءتۇرلى ماماندارىنىڭ باسىن بىرىكتىرە وتىرىپ، كومەككە ءزارۋ بالالارعا بىردەن وتا جاساپ، تەگىن كەڭەس بەرىپ، تەكسەرۋ جۇمىستارىن ىستەۋگە جۇمىلايىق. ارىپتەستەرىم، ءسىزدىڭ قاي قالادا تۇراتىنىڭىز ماڭىزدى ەمەس.
تەك، تەگىن قىزمەت كورسەتۋگە ىنتاڭىز، قىزىعۋشىلىعىڭىز بولسا بولعانى. قاجەت بولعان جاعدايدا ءسىزدى استاناعا الدىرۋ ماسەلەسىن شەشەمىز. بۇل باستامادان ەشقانداي دا تولەم بەرىلمەيدى. ەگەر ءبىزدىڭ توپقا قوسىلعىڭىز كەلسە، مارحابات!»،-دەپ جازدى ماعزۇم وڭعاروۆ.
ونىڭ وسى باستامانى قولعا العانىنا ەكى كۇن بولعانىمەن وزىنە حابارلاسۋشىلار سانى كوپ ەكەن. بالاڭىزدىڭ دەنساۋلىعىنا وراي ماسەلە تۋىنداپ تۇرسا، ماعزۇم وڭعاروۆتىڭ جەلىدەگى پاراقشاسى ارقىلى بايلانىسا الاسى.
matritca.kz
