الماتىداعى پەريناتولوگيا جانە بالالار كارديوحيرۋرگياسى ورتالىعىندا سالماعى 6 كەلى 280 گرامم، بويى 66 سانتيمەتر بولاتىن الىپ ءسابي دۇنيەگە كەلدى، دەپ حابارلايدى "ادىرنا" ۇلتتىق پورتالى Almaty.tv سايتىنا سىلتەمە جاساپ.
ءسابي 40 اپتادا كەسار تىلىگى ارقىلى دۇنيەگە كەلگەن.
- تۇڭعىش بالاسىن ومىرگە اكەلگەن 20 جاستاعى انانىڭ جاعدايى قازىر قاناعاتتانارلىق. ءسابي اناسىنىڭ قاسىندا. جاڭا تۋعان نارەستەنىڭ دەنساۋلىعى وتە جاقسى، ول دارىگەرلەردىڭ باقىلاۋىندا، – دەدى ورتالىق ديرەكتورى گۇلنار نۇرلانوۆا.
ديرەكتوردىڭ ايتۋىنشا، بۇل پەريناتولوگيا جانە بالالار كارديوحيرۋرگياسى ورتالىعىندا مۇنداي سالماقپەن تۋعان العاشقى وقيعا.
- بىزدە انالار ۇلكەن سالماقپەن سابيلەردى دۇنيەگە اكەپ جاتادى. سوڭعى رەت سالماعى 5, 8 كەلى نارەستە دۇنيەگە كەلگەن بولاتىن. بىراق ءبىزدىڭ ورتالىقتا 6 كەلى 280 گرامم ءبىرىنشى رەت بولىپ وتىر، – دەيدى گۇلنار نۇرلانوۆا.
"ادىرنا" ۇلتتىق پورتالى
