Almatyda alyp bala dúnıege keldi

633

Almatydaǵy perınatologııa jáne balalar kardıohırýrgııasy ortalyǵynda salmaǵy 6 keli 280 gramm, boıy 66 santımetr bolatyn alyp sábı dúnıege keldi, dep habarlaıdy "Adyrna" ulttyq portaly Almaty.tv saıtyna silteme jasap.

Sábı 40 aptada kesar tiligi arqyly dúnıege kelgen.

- Tuńǵysh balasyn ómirge ákelgen 20 jastaǵy ananyń jaǵdaıy qazir qanaǵattanarlyq. Sábı anasynyń qasynda. Jańa týǵan náresteniń densaýlyǵy óte jaqsy, ol dárigerlerdiń baqylaýynda, – dedi ortalyq dırektory Gúlnar Nurlanova.

Dırektordyń aıtýynsha, bul perınatologııa jáne balalar kardıohırýrgııasy ortalyǵynda mundaı salmaqpen týǵan alǵashqy oqıǵa.

- Bizde analar úlken salmaqpen sábılerdi dúnıege ákep jatady. Sońǵy ret salmaǵy 5, 8 keli náreste dúnıege kelgen bolatyn. Biraq bizdiń Ortalyqta 6 keli 280 gramm birinshi ret bolyp otyr, – deıdi Gúlnar Nurlanova.

"Adyrna" ulttyq portaly

Pikirler
Redakııa tańdaýy