قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ ايقىن گازەتىنە ماقالاسى جاريالاندى.
ماقالادا ەلىمىزدىڭ تاۋەلسىزدىك العان تۇستارىنان باستاپ ازاتتىقتىڭ العاشقى جىلدارىندا جاڭا قازاقستاننىڭ ىرگەتاسىن قالاۋ كەزەڭى ۋاقتىسىندا ەلباسىنىڭ باسشىلىعىمەن مەملەكەتىمىزدىڭ نىشاندارى بەلگىلەنىپ، بيلىك جۇيەسى قالىپتاستى. ۇلتتىق ۆاليۋتامىز اينالىمعا ەندى. قارۋلى كۇشتەرىمىز قۇرىلدى. اتا زاڭىمىز قابىلداندى. شەتەلدەرمەن ديپلوماتيالىق قاتىناس ورناتىلدى. ەلىمىز بەدەلدى حالىقارالىق ۇيىمدارعا مۇشە بولدى.
«قازاقستان – 2030» ستراتەگياسىن قابىلدادىق. شىعىستاعى كورشىمىزبەن شەكارامىزدى بەكىتتىك. باسقا دا ىرگەلەس مەملەكەتتەرمەن شەكارا جونىندەگى كەلىسسوزدەر قارقىندى جۇرگىزىلە باستادى. ەل اۋماعىن يادرولىق قارۋدان تولىق تازارتتىق. ەلوردامىزدى ارقا توسىنە كوشىردىك. نارىقتىق ەكونوميكاعا ءوتىپ، جەكەمەنشىك ينستيتۋتىن بەرىك ورنىقتىردىق. وتاندىق بيزنەستىڭ نەگىزىن قالادىق. جاستار الەمنىڭ ماڭدايالدى وقۋ ورىندارىندا ءبىلىم الا باستادى. ءتۇرلى داعدارىستاردان امان وتۋگە مۇمكىندىك بەرگەن ۇلتتىق قورىمىز قۇرىلدى. دۇنيە جۇزىنە تارىداي شاشىلعان قازاق بالاسىن اتاجۇرتقا شاقىرىپ، ۇلى كوشكە جول اشتىق. سونىڭ ناتيجەسىندە ەل ەڭسەسى تىكتەلىپ، ۇلتتىق رۋحىمىز كوتەرىلدى.
وسىناۋ تولاعاي تابىستاردىڭ بارىنە ەلباسىنىڭ دارا كوشباسشىلىعىنىڭ ءھام حالقىمىزدىڭ دانالىعى مەن پاراساتىنىڭ، بىرلىگى مەن ىنتىماعىنىڭ، وتانداستارىمىزدىڭ قاجىرلى ەڭبەگىنىڭ ارقاسىندا قول جەتكىزدىك.
سەركەباەۆ ەسەنبەك سالداربەكۇلى
Nur Otan پارتياسىنىڭ شىمكەنت قالالىق فيليالى جانىنداعى ۇلت دەنساۋلىعى ماسەلەلەرى جونىندەگى قوعامدىق كەڭەس توراعاسى
